ბათუმის შოთა რუსთაველის სახელმწიფო უნივერსიტეტის, პარიზის, ანკარის, სტამბულის, დანიის უნივერსიტეტის მეცნიერები მდინარეთა ეკონომიკური რესურსებისა და პოტენციალის კვლევის საკითხებზე გაერთიანდნენ. ბსუ-ში გამართულ რიგით მეორე სამუშაო შეხვედრაზე მეცნიერებმა მოხსენებები წარმოადგინეს მდინარეების გონივრული გამოყენების შემთხვევებზე უძველესი წყლის წისქვილიდან თანამედროვე კაშხლების ჩათვლით.
ბათუმის შოთა რუსთაველის სახელმწიფო უნივერსიტეტის აკადემიურმა საბჭომ ფილოსოფიის დოქტორს, ბაქოს სახელმწიფო უნივერსიტეტის საერთაშორისო ურთიერთობების დეპარტამენტის ასოცირებულ პროფესორ რზა თალიბოვს ბსუ-ს საპატიო დოქტორის წოდება მიანიჭა.
ბათუმის შოთა რუსთაველის სახელმწიფო უნივერსიტეტში სტუდენტური თეატრის ახალი სპექტაკლის „იასამანი’’ პრემიერა გაიმართა. სპექტაკლში ბსუ-ს სხვადასხვა ფაკულტეტის სტუდენტები მონაწილეობდნენ.
ლაშა თაბუკაშვილის პიესა „მერე რა რომ სველია, სველი იასამანი’’ 90-იანი წლების საქართველოს ასახავს. უცხოპლანეტელი ნია “პარალელური საქართველოდან” ცდილობს, გადაარჩინოს ცხოვრებაზე ხელაღებული ნარკომანები, დაეხმაროს მათ, რათა ისევ დატკბნენ სიცოცხლით, ისევ დააფასონ ყოველი წუთი, რომელიც მათ განგებამ აჩუქა.
ტელეკომუნიკაციების ომბუდსმენმა თამთა ტეფნაძემ ბათუმის შოთა რუსთაველის სახელმწიფო უნივერსიტეტის სტუდენტებთან შეხვედრა გამართა თემაზე: „გაიცანი ტელეკომუნიკაციების ომბუდსმენი“. ღონისძიება მიზნად ისახავდა ახალგაზრდებში ცნობიერების ამაღლებასა და კანონმდებლობით მინიჭებული უფლებების, კომპანიების ვალდებულებების, საჩივრის, განცხადების განხილვის წესებისა და ვადების გაცნობას. საქართველოს კომუნიკაციების ეროვნულ კომისიასთან მოქმედი მომხმარებელთა ინტერესების საზოგადოებრივი დამცველის სამსახური „ეროვნული მარეგულირებელი ორგანოების შესახებ“ მომხმარებელთა ინტერესების დაცვის დამატებითი გარანტიების შესაქმნელად მარეგულირებელ ორგანოსთან, მარეგულირებელი კომისიის აპარატისაგან დამოუკიდებლად ჩამოყალიბდა. მომხმარებელთა ინტერესების საზოგადოებრივი დამცველის სამსახურის ფუნქციონირების მიზანია ელექტრონული კომუნიკაციებისა და მაუწყებლობის სფეროში მომხმარებელთა უფლებებისა და კანონიერი ინტერესების დაცვა.
დღეს, ბათუმის სახელმწიფო უნივერსიტეტში, ევროპის დღისადმი მიძღვნილი კვირეულის ფარგლებში, პარლამენტის ვიცე-სპიკერი - ილია ნაკაშიძე და ევროპასთან ინტეგრაციის კომიტეტის თავმჯდომარის მოადგილე- ბექა ნაცვლიშვილი სტუდენტებს შეხვდნენ. შეხვედრა საქართველოს პარლამენტის ევროპასთან ინტეგრაციის კომიტეტის ინიციატივით ჩატარდა და საქართველო-ევროკავშირის ურთიერთობას, სამომავლო პერსპექტივებს და ევროპაში მიმდინარე პოლიტიკურ-სოციალურ პროცესებს შეეხო.
