კონფერენციები

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტი ჟან მონეს კათედრის ორგანიზებით, გიწვევთ ჟან მონეს სტუდენტურ კონფერენციაში „დემოკრატია, კანონის უზენაესობა და ადამიანის უფლებების დაცვა ევროკავშირში” მონაწილეობის მისაღებად, რომელიც გაიმართება 2023 წლის 27 იანვარს ბათუმის შოთა რუსთაველის სახელმწიფო უნივერსიტეტში. კონფერენციაში მონაწილეობა შეუძლიათ ბსუ-ს ჟან მონეს კათედრის კურსდამთავრებულებს, ასევე ბაკალავრიატის, მაგისტრატურის, დოქტორანტურის საგანმანათლებლო პროგრამის ნებისმიერ სტუდენტს, ვინც დაინტერესებულია ევროკავშირის საკითხებით.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტი აჭარის ა/რ განათლების, კულტურისა და სპორტის სამინისტროს „უმაღლესი განათლების ხელშეწყობის პროგრამის“ დაფინანსებით, 2022 წლის 2-4 დეკემბერს ატარებს საერთაშორისო სამეცნიერო კონფერენციას თემაზე: „ჰუმანიტარული მეცნიერებები ინფორმაციულ საზოგადოებაში - IV“ (პირველი კონფერენცია ჩატარდა 2009 წ., მეორე - 2014 წ., მესამე-2018 წ.)

2022 წლის 16-17 ოქტომბერს საერთაშორისო სამეცნიერო ონლაინ კონფერენცია „ეკოლოგიის თანამედროვე პრობლემები”გაიმართება ბათუმის შოთა რუსთველის სახელმწიფო უნივერსიტეტის, საქართველოს განათლებისა და მეცნიერების სამინისტროსა და საქართველოს ეკოლოგიურ მეცნიერებათა აკადემიის (სემა)ორგანიზებითა. დეტალური ინფორმაცია კონფერენციის შესახებ იხილეთ დანართსა და პროგრამაში.

1-7 ოქტომბერს, ბათუმის სახელმწიფო უნივერსიტეტში ტარდება საერთაშორისო სკოლა - კონფერენცია ფუნქციურ მასალებზე თანამედროვე ტექნოლოგიებში. საერთაშორისო სკოლა -კონფერენცია ხორციელდება 2022 წლის მობილობისა და საერთაშორისო სამეცნიერო ღონისძიებების საგრანტო პროექტის (MG-ISE-22-330) დაფინანსებით, თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა და ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტების ორგანიზებით.

ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტი გიწვევთ მონაწილეობის მისაღებად საერთაშორისო სამეცნიერო კონფერენციაში „ეკონომიკისა და ბიზნესის გლობალური გამოწვევები და მდგრადი განვითარება“. კონფერენცია ბსუ-ს ეკონომიკისა და ბიზნესის ფაკულტეტის დაარსებიდან 25 წლის იუბილეს და მასში მონაწილეობა შეუძლიათ დოქტორანტებს, აკადემიურ პირებსა და მკვლევრებს.