2024 წ. 4-5 ოქტომბერს , ანესთეზიოლოგ-რეანიმატოლოგთა კავშირის, აჭარის მთავრობის, ბათუმის შოთა რუსთაველის სახელმწიფო უნივერსიტეტისა და თბილისის სახელმწიფო სამედიცინო უნივერსიტეტის ორგანიზებით ჩატარდება მე-7 საერთაშორისო კონფერენცია ანესთეზიოლოგიასა და ინტენსიურ თერაპიაში. „Geoanesthesia 2024 ”. კონფერენციის მუშაობაში მონაწილეობას მიიღებენ ანესთეზიოლოგ-რეანიმატოლოგები, ტოქსიკოლოგები და გადაუდებელი მედიცინის სპეციალისტები.
ძვირფასო სტუდენტებო!
გილოცავთ სწავლის დაწყებას! გისურვებთ წარმატებებს და საინტერესო სტუდენტურ ცხოვრებას!
30 სექტემბერს, 10:00 საათზე, უნივერსიტეტის ეზოში გაიმართება პირველკურსელთა საზეიმო მიღება.
ღონისძიების განრიგი:
10:00 – 12:00 – პირველკურსელთა საზეიმო მიღება
12:00 – 16:00 – საინფორმაციო შეხვედრები ფაკულტეტების დეკანებთან და ადმინისტრაციასთან
პროექტი DeSIRe – "სოციალური უნარების განვითარება სომხეთისა და საქართველოს უმაღლეს საგანმანათლებლო დაწესებულებებში 21-ე საუკუნის შრომის ბაზრის მოთხოვნების შესაბამისად" მიზნად ისახავს სომხეთისა (ARM) და საქართველოს (GE) უმაღლეს საგანმანათლებლო დაწესებულებებში (HEI) რბილი უნარების (ე.წ. "სოფტ სქილს" (SS)) განვითარების ხელშეწყობას თანამედროვე შრომის ბაზრის მოთხოვნების გათვალისწინებით. ეს ინიციატივა დაეხმარება სტუდენტებს კარიერულ წინსვლასა და დასაქმებაში. ტრადიციულად, ზემოხსენებული ქვეყნების უმაღლესი სასწავლებლები აქცენტს აკეთებდნენ "მყარ უნარებზე" (ე.წ. "ჰარდ სქილს"), რის გამოც რბილი უნარები ნაკლებად იყო განვითარებული და ვერ პასუხობდა თანამედროვე საგანმანათლებლო და შრომის ბაზრის ტენდენციებს.
12 სექტემბერს, 14:00 საათზე, 32-ე აუდიტორიაში ჩატარდება პროფ. ცირა ბარბაქაძის მასტერკლასი თემაზე: „ხელოვნური ინტელექტი ყველასთვის". მასტერკლასის ძირითადი თემები: AI ჩატბოტების მიმოხილვა: ChatGPT, Claude.ai, Gemini.ai, Copilot.ai და სხვა თანამედროვე ინსტრუმენტები. გენერაციული ჩატბოტების შესაძლებლობები: როგორ გამოვიყენოთ ისინი პროფესიული მიზნებისთვის. ეფექტური კომუნიკაციის სტრატეგიები: პრომპტ-ინჟინერიის მეშვეობით ჩატბოტებთან ურთიერთობის გაუმჯობესება. AI ჩატბოტების გამოყენება კვლევაში, ინფორმაციის მოძიებაში და კრეატიულ წერის პროცესში. რეალური სცენარების სიმულაცია: პრაქტიკული სავარჯიშოები, რაც დაეხმარება მონაწილეებს ჩატბოტების შესაძლებლობების გამოყენებაში.
სტამბულის აიდინის უნივერსიტეტის გამოყენებითი მეცნიერებათა ფაკულტეტი ატარებს ორ ვებინარ-სიმპოზიუმს ონლაინ ფორმატში შემდეგი მიმართულებით: Challenges and Opportunities of AI in Pilotage Training და The Digital Revolution and the Role of MIS: Future Perspective in the Business World”. მონაწილეებს საშუალება აქვთ პირდაპირ ეთერში ჩაერთონ მნიშვნელოვან დისკუსიებში 100 ვირტუალურ მონაწილესთან ერთად, მათ შორის აკადემიკოსებთან, მკვლევარებთან და სტუდენტებთან.
