აჭარის ა.რ. განათლების კულტურისა და სპორტის სამინისტროს ,,უმაღლესი განათლების ხელშეწყობის პროგრამის“ ფარგლებში 2014 წლის 22 ოქტომბრიდან 24 ოქტომბრის ჩათვლით, ბათუმის შოთა რუსთაველის სახელმწიფო უნივერსიტეტში გაიმართება ტექნიკის მეცნიერებათა დოქტორის, საქართველოს მეცნიერებათა აკადემიის აკადემიკოსის, პროფესორ ელგუჯა მეძმარიაშვილის საჯარო ლექციების ციკლი.
17 ოქტომბერს,13:00 საათზე, აკადემიური საბჭოს ოთახში საქართველოს ფრანგული ინსტიტუტის საუნივერსიტეტო თანამშრომლობის ასისტენტი, ორგანიზაცია კამპუს ფრანსის წარმომადგენელი თბილისში ანა ლოლუა გამართავს პრეზენტაციას თემაზე: „სწავლა საფრანგეთში“. ბათუმის შოთა რუსთაველის სახელმწიფო უნივერსიტეტის სტუდენტები გაეცნობიან საფრანგეთში სწავლის გაგრძელების შესაძლებლობებს, საფრანგეთის მთავრობის სტიპენდიებსა და ენის შემსწავლელ კურსებს.
17 ოქტომბრიდან, ბათუმის შოთა სახელმწიფო უნივერსიტეტში, ჰაინრიჰ ბიოლის ფონდის სამხრეთ კავკასიის რეგიონალური ბიუროს პროექტის ფარგლებში, ლექციების ღია ციკლი - „ვის ეშინია ფემინიზმის?“ იწყება.
10 ოქტომბერს, 13:00 საათზე, 55-ე აუდიტორიაში გაიმართება „აჭარის განათლების ფონდის“ პრეზენტაცია. ორგანიზაციის წარმომადგენლები სტუდენტებსა და პროფესორ-მასწავლებლებს შეხვდებიან და მიმდინარე პროგრამებს და დაგეგმილ პროექტებს გააცნობენ.
