USAID-ის სოფლის მეურნეობის პროგრამისა და სურსათის ეროვნული სააგენტოს მიერ დაფინანსებულ კვლევაში „ახალი ინვაზიური მავნებლები ეროვნული გამოწვევა’’ ჩართული იყვნენ ბათუმის შოთა რუსთველის სახელმწიფო უნივერსიტეტის ასოცირებული პროფესორი, პროექტის კოორდინატორი ბსუ-ში ლალი ჟღენტი, საბუნებისმეტყველო მეცნიერებათა და ჯანდაცვის ფაკულტეტის ბიოლოგიის საბაკალავრო საგანმანათლებლო პროგრამის სტუდენტები - მარიამ ბერიძე, ნანა მამულაიშვილი, ეკოლოგიის საბაკალავრო საგანმანათლებლო პროგრამის სტუდენტები - გიორგი გეგიძე, თედო დუმბაძე და ბიომრავალფეროვნების მიმართულების მაგისტრანტი სალომე კალანდაძე.

ბათუმის შოთა რუსთაველის სახელმწიფო უნივერსიტეტი მასპინძლობდა MIS Academy Georgia-ს ტრენინგ-კურსს „პროთეზირება იმპლანტებზე - თეორია და პრაქტიკა". ტრენინგში პრაქტიკოს ექიმ-სტომატოლოგებთან ერთად, მონაწილეობა მიიღეს ბსუ-ს სტომატოლოგიის დეპარტამენტის პროფესორ-მასწავლებლებმა და ორთოპედიული სტომატოლოგიის სპეციალობის რეზიდენტებმა. სასწავლო კურსს უძღვებოდა MIS Academy Georgia-ს ტრენერი, ორთოპედ-იმპლანტოლოგი ვახტანგ პატეიშვილი.

ბსუ-ს საბუნებისმეტყველო მეცნიერებათა და ჯანდაცვის ფაკულტეტის პირველი კურსის სტუდენტი ლანა ბოლქვაძე ახალგაზრდა მოკრივეთა შორის საქართველოს ჩემპიონია. საქართველოს ჩემპიონატი ბათუმის სპორტის სასახლეში გაიმართა და მასში 160 სპორტსმენი მონაწილეობდა. ლანა ბოლქვაძემ ფინალში ანი მარგიევი დაამარცხა ნოკაუტით და მეორედ მოიპოვა ქვეყნის ჩემპიონის ტიტული. ბათუმის შოთა რუსთაველის სახელმწიფო უნივერსიტეტი ულოცავს ლანა ბოლქვაძეს გამარჯვებას და წარმატებებს უსურვებს.

ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის სტომატოლოგიის ერთსაფეხურიანი საგანმანათლებლო პროგრამის „პაროდონტოლოგია” და „კლინიკური ოდონტოლოგია და ენდოდონტია” სასწავლო კურსების დასკვნითი გამოცდები ჩატარდა OSCE-ს (ობიექტურად სტრუქტურირებული კლინიკური გამოცდა) ფორმით. საგამოცდო საკითხები მოიცავდა კლინიკურ „ქეისებს”, პრაქტიკულ დავალებებს, იმიტირებული პაციენტის გამო კვლევისა და კომუნიკაციის საკითხებს.

ბათუმის შოთა რუსთაველის სახელმწიფო უნივერსიტეტში დიპლომირებული მედიკოსის ინგლისურენოვანი ერთსაფეხურიანი საგანმანათლებლო პროგრამის პირველკურსელი უცხოელი სტუდენტების საზეიმო მიღება გაიმართა. სტუდენტებს სწავლის დაწყება მიულოცეს, სამახსოვრო საჩუქრები გადასცეს და წარმატებები უსურვეს საბუნებისმეტყველო მეცნიერებათა და ჯანდაცვის ფაკულტეტის დეკანმა რუსუდან ხუხუნაიშვილმა, ბსუ-ს ადმინისტრაციის ხელმძღვანელმა მერაბ დიასამიძემ, რექტორის მოადგილემ ანზორ ბერიძემ, პროგრამის ხელმძღვანელმა სოფო ბერიძემ და პროფესორ-მასწავლებლებმა.