ბათუმის შოთა რუსთაველის სახელმწიფო უნივერსიტეტის ეზოში ქიმიის ფესტივალი გაიმართა. ბსუ-ს საბუნებისმეტყველო მეცნიერებათა და ჯანდაცვის ფაკულტეტის ქიმიის დეპარტამენტის პროფესორებმა და სტუდენტებმა ღონისძიების ფარგლებში სკოლის მოსწავლეებისთვის ინტერაქტიული გამოფენა მოაწყეს. ბათუმისა და სხვადასხვა რეგიონის სკოლის მოსწავლეებმა ასევე დაათვალიერეს ბსუ-ს ლაბორატორიები და მონაწილეობა მიიღეს ქიმიური ექსპერიმენტების ჩატარებაში. ქიმიის ფესტივალი ბსუ-ს საბუნებისმეტყველო მეცნიერებათა და ჯანდაცვის ფაკულტეტის ქიმიის დეპარტამენტის ორგანიზებით ჩატარდა და მუსიკალურად „ბსუ-ს ბენდმა“ გააფორმა.

ბათუმის შოთა რუსთაველის სახელმწიფო უნივერსიტეტში ფარისებრი ჯირკვლის მსოფლიო დღე აღინიშნა. გაიმართა მსოფლიოს თირეოდოლოგ ექსპერტთა ვებინარი და დისკუსია თემაზე: „ბირთვული კატასტროფა: ზეგავლენა ფარისებრ ჯირკვალზე და მისი დაცვის გზები“. ვებინარში ბსუ-ს პროფესორ-მასწავლებელებმა, ამერიკის თირეოდოლოგთა ასოციაციის (ATA), აზია და ოკეანეთის თირეოდოლოგთა ასოციაციის, ევროპის თირეოდოლოგთა ასოციაცის, ლათინო ამერიკის თირეოდოლოგთა ასოციაციის წარმომადგენლებმა და სტუდენტებმა მიიღეს მონაწილეობა. ღონისძიება ბსუ-ს საბუნებისმეტყველო მეცნიერებათა და ჯანდაცვის ფაკულტეტის ფაკულტეტის ორგანიზებით გაიმართა.

22 მაისს, ბიომრავალფეროვნების საერთაშორისო დღე საბუნებისმეტყველო მეცნიერებათა და ჯანდაცვის ფაკულტეტის ეკოლოგიისა და ბიოლოგიის მიმართულების სტუდენტებმა და პროფესორ-მასწავლებლებმა ეკოტურით აღნიშნეს მაჭახელას ეროვნულ პარკში.
მაჭახელას ეროვნული პარკის ბუნებრივი რესურსების მთავარმა სპეციალისტმა მარად იაკობაძემ სტუდენტებს გააცნო მაჭახელას დაცული ტერიტორიის ბიომრავალფეროვნება და ესაუბრა მათი მნიშვნელობის შესახებ.

საქართველოს განათლების ხარისხის განვითარების ეროვნული ცენტრის პროფესიული მომზადების/პროფესიული გადამზადების პროგრამების განხორციელების უფლების მიმნიჭებელმა საბჭომ ბათუმის შოთა რუსთაველის სახელმწიფო უნივერსიტეტს პროფესიული გადამზადების პროგრამის „ლაბორატორიული ჯანმრთელობა და უსაფრთხოება" განხორციელების უფლება მიანიჭა. პროგრამის განხორციელების მიზანია ლაბორატორიული მომსახურების დარგის ახალგაზრდა პროფესიონალთა კომპეტენციების გაძლიერებისა და დასაქმების ხელშეწყობა ლაბორატორიული ჯანმრთელობისა და უსაფრთხოების სფეროში უწყვეტი პროფესიული განათლების განვითარების გზით. პროფესიული გადამზადების პროგრამა „ლაბორატორიული ჯანმრთელობა და უსაფრთხოება“ განხორციელდება ბსუ-ს საბუნებისმეტყველო მეცნიერებათა და ჯანდაცვის ფაკულტეტის ბაზაზე.

6-10 მაისს, ბათუმის შოთა რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ქიმიის სპეციალობის IV კურსის სტუდენტებმა - ხატია ზოსიძემ, ლაურა ქორჩილავამ, მარიკა ბერიძემ, ხათუნა გორგაძემ, ასოცირებული პროფესორის-ნინო კიკნაძის და ასისტენტ პროფესორის-გულთამზე თავდგირიძის ხელმძღვანელობით აჭყვის და ჩაქვის საჯარო სკოლებში სადემონსტრაციო ცდები ჩაატარეს ქიმიაში. ცდების მიმდინარეობის პროცესში აქტიურად იყვნენ ჩართულნი საჯარო სკოლის VII-XII კლასის მოსწავლეები. ღონისძიება მიზნად ისახავდა ქიმიის სპეციალობის პოპულარიზაციას.