29 ივლისიდან 3 აგვისტოს ჩათვლით, კომპანია „ბიოლოგიკა“ და ბათუმის შოთა რუსთაველის სახელმწიფო უნივერსიტეტი ერთობლივად ატარებს საერთაშორისო საზაფხულო სკოლას ბიოსამედიცინო მიმართულებით. სწავლების განმავლობაში მსმენელებს უტარდებათ, როგორც თეორიული, ისე პრაქტიკული მეცადინეობები მიკრობილოგიაში, იმუნოლოგიასა და ბიოქიმიაში. სწავლების საბაზო მასალას წარმოადგენს უნიკალური კრებულები, რომლებიც არის კომპანიის მიერ შექმნილი.
ბათუმის შოთა რუსთაველის სახელმწიფო უნივერსიტეტში კონფერენციის „პრაქტიკული კვლევა საბუნებისმეტყველო საგნების სწავლების ინოვაციისთვის“ ფარგლებში პოსტერების გამოფენა გაიმართა. მონაწილეებმა პოსტერების სახით წარმოადგინეს განხორციელებული პროექტები, რომელიც ითვალისწინებდა სკოლა-საწარმო-უნივერსიტეტის თანამშრომლობით ინოვაციური პრაქტიკული სწავლების გზით სტუდენტებისა და სკოლის მოსწავლეების საბუნებისმეტყველო საგნების შესწავლის მოტივაციის ამაღლებასა და სწავლების ხარისხის გაუმჯობესებას.
27 და 28 ივლისს, ბსუ-ში მედიცინის პროგრამაში თანამედროვე მეთოდების დანერგვისა და გამოყენების ხელშეწყობის მიზნით აკაკი წერეთლის სახელმწიფო უნივერსიტეტის კლინიკური მედიცინის დეპარტამენტის პროფესორმა ნანა შავლაყაძემ საბუნებისმეტყველო მეცნიერებათა და ჯანდაცვის ფაკულტეტის მედიცინის მიმართულების პროფესორ-მასწავლებლებისთვის ჩაატარა ტრენინგი თემაზე - „პრობლემაზე დაფუძნებული სწავლების თანამედროვე მეთოდი - PBL“. ტრენინგი საგრანტო პროექტის PBL net „Establishment of the Supra-Regional Network of the National Centres in Medical Education, focused on PBL and Virtual Patients“ ფარგლებში ჩატარდა.
Erasmus+ MOBILE UNLIMITE-ის გაცვლითი პროგრამის აკადემიური მობილობის ფარგლებში საბუნებისმეტყველო მეცნიერებათა და ჯანდაცვის ფაკულტეტის სტუდენტებისათვის პორტოს უნივერსიტეტის პროფესორმა ჰელენა ფერეირამ საჯარო ლექციები წაიკითხა ანტიბიოტიკი რეზისტენტობის პრობლემების საკითხზე. მომხსენებელმა განიხილა აღნიშნული პრობლემა პორტუგალიისა და ზოგადად ევროპული ქვეყნების მაგალითზე, ისაუბრა ანტიბიოტიკი რეზისტენტობის საფრთხეებსა და პრევენციაზე.
ბათუმის შოთა რუსთაველის სახელმწიფო უნივერსიტეტში ქიმიის ფესტივალი გაიმართა. ბსუ-ს საბუნებისმეტყველო მეცნიერებათა და ჯანდაცვის ფაკულტეტის სტუდენტებმა ღონისძიება ფლეშმობით გახსნეს. ქიმიის დეპარტამენტის პროფესორებმა და პირველი კურსის სტუდენტებმა სკოლის მოსწავლეებისთვის ინტერაქციული გამოფენა მოაწყვეს. ღონისძიების ფარგლებში მოსწავლეებმა 20-მდე ქიმიური ექსპერიმენტის ჩატარებაში მიიღეს მონაწილეობა. ქიმიის ფესტივალი ბსუ-ს საბუნებისმეტყველო მეცნიერებათა და ჯანდაცვის ფაკულტეტის ქიმიის დეპარტამენტის ორგანიზებით გაიმართა.
