ბათუმის შოთა რუსთაველის სახელმწიფო უნივერსიტეტში ბათუმის სამედიცინო ცენტრ BMC-ის
ფსიქონევროლოგიური განყოფილების უმცროსმა ექიმმა მირიან მახარაძემ საჯარო ლექცია წაიკითხა თემაზე „შიზოფრენია“. განხილული იყო დაავადების გამომწვევი მიზეზები, გავრცელების სიხშირე, დიაგნოსტიკის თანამედროვე მეთოდები, მკურნალობისა და პრევენციის საკითხები. აქტუალურმა საკითხმა სტუდენტთა დაინტერესება გამოიწვია. ლექციის შემდეგ გაიმართა დისკუსია, განიხილეს თემის ირგვლივ სოციალური და სამედიცინო თვალსაზრისით არსებული პრობლემატური საკითხები.

ბათუმის შოთა რუსთაველის სახელმწიფო უნივერსიტეტში საბუნებისმეტყველო მეცნიერებათა და ჯანდაცვის ფაკულტეტის სტუდენტებისა და პროფესორ-მასწავლებლების მონაწილეობით სისხლის გადასხმის საქველმოქმედო აქცია გაიმართა. ღონისძიება მიზნად ისახავდა უანგარო დონორობის დამკვიდრებასა და პოპულარიზციას. საქველმოქმედო აქცია „სისხლის ბანკის ჰემა-2012“-ის ორგანიზებით გაიმართა და მომავალშიც გაგრძელდება.

თბილისის სამედიცინო აკადემიაში გამართულ სტუდენტურ საერთაშორისო კონფერენციაში მონაწილეობა მიიღეს ბათუმის შოთა რუსთველის სახელმწიფო უნივერსიტეტის მედიცინის ინგლისურენოვანი პროგრამის სტუდენტებმა. საბუნებისმეტყველო მეცნიერებეთა და ჯანდაცვის ფაკულტეტის გამარჯვება მედიცინის პროგრამის III კურსის სტუდენტების (ხელმძღვანელი კლინიკური მედიცინის დეპარტამენტის ასისტენტ პროფესორი რუსუდან ვადაჭკორია) ბარგო ბჰალოდის და საგარ რაჩჩის პოსტერმა თემაზე: „ფსიქოლოგის როლი და მნიშვნელობა პოლიკლინიკის პაციენტებთან კომუნიკაციაში” გამარჯვება მოიპოვა.

ბათუმის შოთა რუსთაველის სახელმწიფო უნივერსიტეტში გაეროს ბავშვთა ფონდის კონსულტანტი მაგული შაღაშვილმა საჯარო ლექცია წაიკითხა თემაზე: „სოციალური მუშაობის როლი პირველად ჯანდაცვაში“. ღონისძიება პროექტის „თანამშრომლობა შეზღუდული შესაძლებლობების მქონე პირთა ჩართულობის მხარდამჭერი ეფექტიანი პოლიტიკის ფორმირებისათვის აჭარაში“ ფარგლებში გაიმართა. პროექტის მიზანია, შეზღუდული შესაძლებლობების მქონე პირთა სამედიცინო და სოციალური საჭიროებების მხარდამჭერი გარემოს შექმნის ხელშეწყობა. პროგრამას „საქართველოს სოციალურ მუშაკთა ასოციაცია“ „საერთაშორისო განათლების ცენტრთან’’ ერთად, „ფონდ ღია საზოგადოების‘’ მხარდაჭერით ახორციელებს.

29 ნოემბერს, ბათუმის შოთა რუსთაველის სახელმწიფო უნივერსიტეტის საბუნებისმეტყველო და ჯანდაცვის ფაკულტეტს ბათუმის ქართულ ფრანგული სკოლის და მე-16 საჯარო სკოლის მე-10, მე-11 კლასის მოსწავლეები ეწვივნენ. ვიზიტს ხელმძღვანელობდენენ ბიოლოგიის მასწავლებლები: ჟანა ჭითანავა და ქეთი ადამია. მოსწავლეებმა მოისმინეს ასოცირებული პროფესორის მარინა ნაგერვაძის მასტერკლასი თემაზე: რეპროდუქციული განათლება. დისკუსიის შემდეგ მოსწავლეებმა შეძლეს მუდმივი და მშრალი პრეპარატების გამოყენებით სასქესო უჯრედების და ადრეული ემბრიონების ვიზუალიზაცია მიკროსკოპის საშუალებით.