18-19 დეკემბერს, ბსუ-ს ტურიზმის ფაკულტეტზე გაიმართა სტუდენტთა სამეცნიერო კლუბის მუშაობა

ტურიზმის ფაკულტეტმა ,,LEOGRAND hotel & Casino”-ის გენერალურ მენეჯერს მერტ ბოლუქბაშს უმასპინძლა. ერთი კვირის განმავლობაში სტუდენტებს საშუალება მიეცათ ტურიზმის ინდუსტრიის ექსპერტის მასტერკლასს დასწრებოდნენ და თავადაც მიეღოთ მონაწილეობა ისეთი საკითხების განხილვაში, როგორებიცაა „მაღალი ბრენდის სასტუმროების სტრუქტურა“ მენიუს შედგენის პრინციპები და მომსახურეობის სტანდარტები.

,, LEOGRAND hotel & Casino” ექსპლუატაციაში 2015 წლის გაზაფხულზე შევა.

ტურიზმის ფაკულტეტის ხარისხის უზრუნველყოფის სამსახურის ორგანიზებით 19-26 ნოემბერს ფაკულტეტის პროფესორ მასწავლებლებისათვის ჩატარდა ტრენინგები თემაზე „სწავლისა და სწავლების მეთოდები“.ტრენინგი ფაკულტეტის ხარისხის სამსახურის წლიური სამუშაო გეგმის შემადგენელი ნაწილი იყო და მიზნად ისახავდა სწავლების მეთოდებში ინოვაციების გაცნობასა და მის პრაქტიკაში დანერგვას.

მიმდინარე წლის 25 ნოემბერს ტემპუსის პროექტის ფარგლებში ტურიზმის ფაკულტეტის პროფესორ-მასწავლებლებისათვის გერმანიის JADE-ს უნივერსიტეტის პროფესორებმა გილა ალტმანმა და კნუტ შერინგერმა „ტურიზმის მდგრადი მართვა: ახალი მოდულების შექმნა საერთაშორისო საბაკალავრო და სამაგისტრო პროგრამებში“ ტრენინგები ჩაატარეს.
პროექტი მიზნად ისახავს: კავკასიაში, ბოლონიის პრინციპების შესაბამისად კურიკულუმისა და სწავლების მეთოდების მოდერნიზებას ბიზნეს-სექტორთან კოოპერაციის მეშვეობით თეორიისა და პრაქტიკის ინტეგრაციის გზით.

ქალაქ ბათუმის მერი გიორგი ერმაკოვი ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის სტუდენტებს შეხვდა და პროგრამა ,,ახალგაზრდების უცხოეთში სტაჟირების ხელშეწყობა“ გააცნო. პროგრამა ითვალისწინებს ახალგაზრდების პროფესიულ სტაჟირებას და გადამზადებას სარესტორნო მომსახურების, სასტუმრო მომსახურებისა და ტურიზმის მენეჯმენტის მიმართულებით, ევროკავშირის წევრ ქვეყნებში, ასევე თურქეთსა და შვეიცარიაში. პროექტის მიზანია სტაჟიორთა კვალიფიკაციის ამაღლება, შრომის ბაზარზე კონკურენტუნარიანი ახალგაზრდა კადრების მომზადება.