დღეს, რექტორის მოვალეობის შემსრულებელი მერაბ ხალვაში ღვაწლმოსილ მეცნიერებს შეხვდა, მადლობა გადაუხადა გაწეული შრომისა და მეცნიერებაში შეტანილი წვლილისათვის და პირადად მიულოცა მათ ეს მნიშვნელოვანი აღიარება. შეხვედრისას კიდევ ერთხელ აღნიშნა ნიკო ბერძენიშვილის ინსტიტუტის მეცნიერების დამსახურება და მათი როლი ქართული მეცნიერების განვითარებაში.

აჭარის უმაღლესი საბჭოს თავმჯდომარემ, დავით გაბაიძემ, მეცნიერების მსოფლიო დღესთან დაკავშირებით, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის მეცნიერ-თანამშრომლებს, ნოდარ კახიძეს, ოთარ თურმანიძესა და ნანული ნოღაიდელს მადლობის სიგელები გადასცა. საკანონმდებლო ორგანოს თავმჯდომარემ, მეცნიერებს, მადლობა გადაუხადა მომავალი თაობის აღზრდაში, მეცნიერების სფეროს განვითარებაში შეტანილი განსაკუთრებული წვლილისთვის და წარმატებები უსურვა.

ნიკო ბერძენიშვილის ინსტიტუტისა და აჭარის მწერალთა სახლის ორგანიზებით, აჭარის მწერალთა სახლში შეხვედრა გაიმართა ფერეიდნელ ქართველ, კალიგრაფ-დიზაინერ, ჰელენ იოსელიანთან. შეხვედრის ფარგლებში მოეწყო სხვადასხვა ტექნიკით შესრულებული ნამუშევრების გამოფენაც. ქართული კულტურის პოპულარიზაციის საქმეში შეტანილი წვლილისთვის ჰელენს ნიკო ბერძენიშვილის ინსტიტუტის მადლობის სიგელი გადაეცა.

27 სექტემბრიდან 3 ოქტომბრის ჩათვლით, სტამბოლის ქართული კათოლიკური სავანის საარქივო მასალებზე მუშაობის პროექტის ფარგლებში, ნიკო ბერძენიშვილის ინსტიტუტის მკვლევრები (ინსტიტუტის დირექტორი როინ მალაყმაძე, ფოლკლორის, დიალექტოლოგიისა და ემიგრანტული ლიტერატურის კვლევის განყოფილების ხელმძღვანელი, მთავარი მეცნიერ-თანამშრომელი ელზა ფუტკარაძე და ისტორიისა და არქეოლოგიის განყოფილების მეცნიერ-თანამშრომელი სულხან მამულაძე) სამუშაო ვიზიტით იმყოფებოდნენ რუმინეთში.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის საერთაშორისო სამეცნიერო ჟურნალმა „შავიზღვისპირეთი ცივილიზაციათა გზაჯვარედინზე” (ISSN 2960-9208 ) საერთაშორისო სამეცნიერო ბაზაში ERIH PLUS (Humanities and Social Sciences) ინდექსაცია მოიპოვა. საერთაშორისო სამეცნიერო ჟურნალი „შავიზღვისპირეთი ცივილიზაციათა გზაჯვარედინზე” 2022 წელს დაარსდა.