8-12 მაისს ჰუმანიტარულ მეცნიერებათა ფაკულტეტის ინიცირებითა და უნივერსიტეტის ხარისხის უზრუნველყოფის სამსახურის ორგანიზებით, პროფესორ-მასწავლებლებისთვის ტრენინგ-კურსი ტარდება თემაზე: ამობრუნებული საკლასო ოთახის (Flipped Classroom) მოდელი. ტრენინგის მონაწილეების შეისწავლიან თანამშრომლობითი სწავლის ხელშემწყობი მიდგომებს, აქტიური სწავლის ტექნიკასა და ელექტრონული სწავლების ხელსაწყოებს. პროფესორ-მასწავლებლები გაეცნობიან, რა არის აქტიური სწავლა და რატომაა მისი დანერგვა მიზანშეწონილი ახალ თაობასთან მუშაობაში; გააცნობიერებენ, როგორი უპირატესობები აქვს ამობრუნებულ საკლასო ოთახს ონლაინ-სწავლების ფორმატში და რატომაა იგი უფრო შედეგიანი, ვიდრე ტრადიციული საკლასო ოთახი.

აკრედიტაცია მოიპოვა ბათუმის შოთა რუსთაველის სახელმწიფო უნივერსიტეტის ტექნოლოგიური ფაკულტეტის „სასურსათო ტექნოლოგიის“ საბაკალავრო საგანმანათლებლო პროგრამამ. ვულოცავთ სტუდენტებსა და პროფესორ-მასწავლებლებს ამ მნიშვნელოვან გამარჯვებას და ვუსურვებთ წარმატებებს!

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ქართული ფილოლოგიის კლასტერმა, რომელშიც გაერთიანებულია 1 საბაკალავრო, 2 სამაგისტრო და 1 სადოქტორო საგანმანათლებლო პროგრამა, შვიდი წლით მოიპოვა აკრედიტაცია.

ბსუ-ს ჰუმანიტარულ მეცნიერებათა ფაკულტეტის პროფესორმა მარინე გიორგაძემ ბათუმის ხელოვნების სახელმწიფო უნივერსიტეტის აკადემიური პერსონალისთვის ტრენინგი ჩაატარა თემაზე: „უნივერსიტეტის მისია, სტრატეგიული განვითარების გეგმა და საგანმანათლებლო პროგრამების მიზნები და შედეგები". ტრენინგის მონაწილეები გაეცნენ უნივერსიტეტის მისიის, სტრატეგიული განვითარების გეგმის მნიშვნელობას და მათთან საგანმანათლებლო პროგრამების მიზნებისა და შედეგების შესაბამისობის საკითხებს. ტრენინგი მომზადებულია „Erasmus+”-ის ინსტიტუციური განვითარების პროექტის - „რეგიონული უნივერსიტეტების როლი რეგიონის განვითარებაში” (RURD – Role of Universities in the Regional Development) - ფარგლებში. ტრენინგის მონაწილეებს გადაეცათ სერტიფიკატები.

ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორია - არქეოლოგიის კლასტერმა, რომელშიც გაერთიანებულია 2 საბაკალავრო, 2 სამაგისტრო და 1 სადოქტორო საგანმანათლებლო პროგრამა, შვიდი წლით მოიპოვა აკრედიტაცია (ისტორიის სადოქტორო საგანმანათლებლო პროგრამა აკრედიტებულია 2018 წლიდან).