2025 წლის 24-28 მარტს, "ერაზმუს+"-ის საგრანტო პროექტის - "სოციალური უნარების განვითარება სომხეთისა და საქართველოს უმაღლეს საგანმანათლებლო დაწესებულებებში 21-ე საუკუნის შრომის ბაზრის მოთხოვნების შესაბამისად" - ფარგლებში განხორციელდა აკადემიური პერსონალის - პროფესორი ვლადიმერ ღლონტი, ასოცირებული პროფესორი ივდით დიასამიძე და ასისტენტ-პროფესორი თამარ ღოღობერიძე სასწავლო ვიზიტი დრეზდენის ტექნოლოგიურ უნივერსიტეტში (TUD).
ვიზიტის ძირითადი მიზანი იყო რბილი უნარების განვითარებაზე ორიენტირებული სასწავლო პროგრამების გაცნობა და ამ მიმართულებით ევროპული გამოცდილების გაზიარება. დრეზდენის ტექნოლოგიური უნივერსიტეტის აკადემიურმა პერსონალმა ჩაატარა ტრენინგები, რომლებიც ფოკუსირებული იყო თანამედროვე შრომის ბაზრის მოთხოვნებზე მორგებულ საკვანძო კომპეტენციებზე. ვიზიტის ფარგლებში განხორციელდა სასწავლო ტრენინგები შემდეგ ძირითად მოდულებზე:
მოდული 2 - თანასწორობა, მრავალფეროვნება და ინკლუზი (EDI);
მოდული 3 - ძირითა სამეწარმეო უნარები;
მასიური ღია ონლაინ კურსი (MOOC) 1 - ეფექტიანი ბიზნეს კომუნიკაციების და მოლაპარაკებების უნარები;
მასიური ღია ონლაინ კურსი (MOOC) 2 - ორგანიზაციული კულტურის გაგება და განვითარება.
აღნიშნული პროექტი შეესაბამება გაეროს მდგრადი განვითარების მე-4 მიზანს (ხარისხიანი განათლება), რომელიც ითვალისწინებს ინკლუზიური და თანაბარი ხარისხის განათლების უზრუნველყოფასა და უწყვეტი სწავლის შესაძლებლობების ყველასთვის ხელმისაწვდომობას. პროექტის ფარგლებში განხორციელებული აქტივობები ხელს უწყობს საქართველოს უმაღლესი საგანმანათლებლო სისტემის ინტერნაციონალიზაციას, აკადემიური პერსონალის პროფესიულ განვითარებას და სასწავლო პროგრამების მოდერნიზაციას თანამედროვე შრომის ბაზრის მოთხოვნების შესაბამისად.
| უკან |
