გარდაიცვალა ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის დეკანის მოადგილე, პედაგოგიკის მეცნიერებათა დოქტორი მადონა ფალავანდიშვილი. დოქტორმა მადონა ფალავანდიშვილმა მნიშვნელოვანი წვლილი შეიტანა პედაგოგიკის განვითარებასა და მომავალი თაობების აღზრდაში. მისი სამეცნიერო ინტერესის სფერო იყო უმცროსკლასელთა ზნეობრივი აღზრდის თანამედროვე პრობლემები. მადონა ფალავანდიშვილი წლების განმავლობაში ლექციებს კითხულობდა ბათუმის შოთა რუსთაველის სახელმწიფო უნივერსიტეტში და 2014 წლიდან იყო ეკონომიკისა და ბიზნესის ფაკულტეტის დეკანის მოადგილე.

2019 წლის 16-17 მაისს, ბათუმის შოთა რუსთაველის სახელმწიფო უნივერსიტეტში საერთაშორისო სამეცნიერო-პრაქტიკული კონფერენცია „გლობალური მარკეტინგი: თანამედროვეობის ანალიზი და გამოწვევები“ გაიმართება. კონფერენციის მიზანია მარკეტინგის ინოვაციურ პროცესებში არსებული აქტუალური ტრენდების კომპლექსური ანალიზი მსოფლიო ეკონომიკის თანამედროვე პირობებში და მათი პრაქტიკული დანერგვის ხელშეწყობა. „გლობალური მარკეტინგი: თანამედროვეობის ანალიზი და გამოწვევები“ ბათუმის შოთა რუსთაველის სახელმწიფო უნივერსიტეტის, ეკონომიკური კვლევების ეროვნული ინსტიტუტი და უკრაინის ეროვნული საავიაციო უნივერსიტეტის ორგანიზებით იმართება.