შოთა რუსთაველის საქართველოს ეროვნული სამეცნიერო ფონდი აცხადებს 2024 წლის დოქტორანტურის საგანმანათლებლო პროგრამების დაფინანსების კონკურსს. კონკურსის მიზანია ინტელექტუალური პოტენციალის განვითარება და მაღალი კვალიფიკაციის სამეცნიერო პერსონალის მომზადება, უმაღლეს საგანმანათლებლო დაწესებულებებში არსებული ინტელექტუალური პოტენციალის მიზნობრივი გამოყენება, სამეცნიერო კვლევისათვის სათანადო პირობების შექმნა, დოქტორანტებისა და უნივერსიტეტების უცხოეთში არსებულ უმაღლეს საგანმანათლებლო და სამეცნიერო-კვლევით დაწესებულებებთან თანამშრომლობა და ამ გზით საქართველოში უმაღლესი განათლების ხარისხის ამაღლება და ახალგაზრდა მეცნიერთა საერთაშორისო სამეცნიერო საზოგადოებაში ინტეგრირება.

6-7 ივნისს მილანში (იტალია) გაიმართა საერთაშორისო კონფერენცია ხარისხისა და თანასწორობის შესახებ უმაღლეს განათლებაში INTERNATIONAL CONFERENCE ON QUALITY AND EQUITY IN HIGHER EDUCATION - (ICQEHE-24), რომლის მიზანი იყო დაეკავშირებინა ერთმანათს სხვადასხვა დარგის წარმომადგენლები, გაეცნოთ უახლესი კვლევები და გამოწვევები. კონფერენციაში მონაწილეობა მიიღეს ევროპისა და აზიის ქვეყნების უსდ-ს წარმომადგენლებმა, ბსუ-ს ჰუმანიტარულ მეცნიერებათა, საბუნებისმეტყველო და მედიცინის, იურიდიული და სოციალურ მეცნიერებათა ფაკულტეტების ხარისხის უზრუნველყოფის სამსახურების ხელმძღვანელებმა. მონაწილეებმა განიხილეს ხარისხსა და თანასწორობასთან დაკავშირებული გლობალური გამოწვევები, უმაღლესი საგანმანათლებლო დაწესებულებები და ხარისხის უზრუნველყოფის სტანდარტის ინდიკატორები და უმაღლესი განათლების სფეროში არსებული სხვა მნიშვნელოვანი საკითხები.

2024-2025 სასწავლო წლისათვის აზერბაიჯანის ხაზარის უნივერსიტეტი სასტიპენდიო პროგრამებს სთავაზობს ქალ სტუდენტებს სამაგისტრო და სადოქტორო საგანმანათლებლო საფეხურის პროგრამებზე. დაინტერესებულმა აპლიკანტებმა შევსებული სააპლიკაციო ფორმა და სამოტივაციო წერილი უნდა გააგზავნონ შემდეგ ელექტრონულ მისამართზე: admissions@khazar.org. კანდიდატების დოკუმენტების მიღების ბოლო ვადაა 2024 წლის 15 მაისი.

სლოვაკეთის რესპუბლიკის ოფიციალური განვითარების დახმარების ფარგლებში, ქართველი სტუდენტებისთვის გამოცხადდა კონკურსი 2 სამთავრობო სტიპენდიის მოსაპოვებლად. სტიპენდიები განკუთვნილია ბაკალავრიატის, მაგისტრატურის და დოქტორანტურის სტუდენტებისთვის. პროგრამაში მონაწილეობის ერთ-ერთი პირობაა სლოვაკური ენის ცოდნა. სლოვაკური ენის შესასწავლად მსურველებს შეუძლიათ გაიარონ კურსები 2024 წლის 2 სექტემბრიდან 2025 წლის 30 ივნისის ჩათვლით. კონკურსში მონაწილეობის მისაღებად განაცხადების მიღების ბოლო ვადაა 2024 წლის 30 მაისი.

სლოვაკეთის რესპუბლიკა აცხადებს 2024-2025 აკადემიური სასწავლო წლის ეროვნული სასტიპენდიო პროგრამის მონაწილეთა შესარჩევ კონკურსს. სტიპენდიაზე განაცხადების წარდგენა შეუძლიათ სტუდენტებს, დოქტორანტებს, აკადემიურ პერსონალსა და მკვლევრებს. სტუდენტებსა და დოქტორანტებს შეუძლიათ, ასევე, განაცხადი გააკეთონ მგზავრობის დაფინანსებაზე.უცხოელი აპლიკანტების განაცხადები ივსება შემდეგ მისამართზე: www.scholarships.sk