შვეიცარიის მთავრობა აცხადებს საგრანტო კონკურს, რომელიც მიზნად ისახავს შვეიცარიის უნივერსიტეტებში სწავლებისა და კვლევების დაფინანსებას. კონკურსში მონაწილეობის მიღება შეუძლიათ ახალგაზრდა (არა შვეიცარიის მოქალაქე) უცხოელ მკვლევრებს, რომელთაც უკვე აქვს მაგისტრის ან დოქტორის ხარისხი (ნებისმიერ დისციპლინაში). განაცხადის მიღება იწყება 2023 წლის 23 აგვისტოს, ხოლო განაცხადის მიღების ბოლო ვადა არის 2024 წლის 24 ნოემბერი.

აღმოსავლეთ ევროპის უნივერსიტეტის (EEU) სადოქტორო და უმაღლესი განათლების კვლევების განვითარების ცენტრი 2023 წლის 2 სექტემბერს მართავს დოქტორანტთა ყოველწლიურ სამეცნიერო კონფერენციას. კონფერენციაში მონაწილეობა შეუძლია მიიღოს სხვადასხვა სპეციალობის დოქტორანტებმა და წარმოადგინონ უახლესი კვლევები სხვადასხვა დარგში. რეგისტრაციის გავლისა და ანოტაციის წარმოდგენის ბოლო ვადა – 2023 წლის 15 აგვისტო.

2023 წლის 24, 25 და 26 ნოემბერს გაიმართება საერთაშორისო სამეცნიერო პრაქტიკული კონფერენცია: „ციფრული მენეჯმენტი მომავლის ფორმირებისთვის“. კონფერენციას აღმოსავლეთ ევროპის უნივერსიტეტი (თბილისი, საქართველო), ელექტრონული კომერციის ინსტიტუტთან (კიოლნი, გერმანია) პარტნიორობით, ფრიდრიხ ებერტის ფონდის, გერმანიის სამეწარმეო ორგანიზაციის (German Entrepreneurship Organization FGF) და აშშ-ის ადელფის უნივერსიტეტის მხარდაჭერით ატარებს.

საფრანგეთის უმაღლესი განათლების 7 ინსტიტუტი დაინტერესებულ პირებს სთავაზობს სამეცნიერო 10-თვიან სტიპენდიას. აპლიკაციის გაგზავნის ბოლო ვადაა 2023 წლის 6 ივნისი. დეტალური ინფორმაცია სამეცნიერო სასტიპენდიო პროგრამის შესახებ იხილეთ შემდეგ მისამართზე: https://www.fias-fp.eu/ს

ევროპის საბჭოსა და ევროკავშირის ერთობლივი პროექტის ფარგლებში დაიწყო HISTOLAB Fellowship-თვის განაცხადების მიღება, რომლის მიზანია ხელი შეუწყოს ინოვაციას ისტორიის სწავლებაში ევროსაბჭოს ღირებულებებისა და სტანდარტების შესაბამისად (https://www.coe-histolab.eu/activities/histolab-fellowship). HISTOLAB Fellowship მიზნად ისახავს კვლევისა და ისტორიის სწავლებაში ინოვაციებთან დაკავშირებული აკადემიური სტატიების შექმნის თანადაფინანსებას. აპლიკაციის წარდგენა შეუძლიათ დოქტორანტებსა და ასევე, ისტორიის სწავლებაში ჩართულ პირებს.