თანამედროვე პირობებში ნებისმიერი ქვეყნის ეკონომიკური განვითარებისა და ზრდისათვის აუცილებელია, ისეთი მნიშვნელოვანი ასპექტების გათვალისწინება, როგორიცაა ინოვაციური ეკონომიკა და საგარეო ვაჭრობის ხელშეწყობა. ნაშრომში განხილულია ინოვაციური ეკონომიკის არსი, მნიშვნელობა და მისი გავლენა ქვეყნის ეკონომიკაზე. ასევე მისი მნიშვნელობა ქვეყნის საქონლისა თუ მომსახურების კონკურენტუნარიანობისა და მწარმოებლურობის ამაღლებაში. ქვეყნებს შორის ეკონომიკური, პოლიტიკური, ინფორმაციული თუ ტექნოლოგიური მიჯაჭვულობა, ეფექტიანი საგარეო ეკონომიკური პოლიტიკის განხორიცელების აუცილებლობას ქმნის. საგარეო ვაჭრობა, როგორც ქვეყნის ეკონომიკური პოლიტიკის შემადგენელი ნაწილი, ქმნის საივესტიციო კლიმატს, ხელს უწყობს მოხმარების უზრუნველყოფას, ეროვნული პროდუქციის გასასაღებლად ბაზრების მოძიებას საერთაშორისო დონეზე, ტექნოლოგიების და ინოვაციების დამკვიდრებას და სხვა. ასრულებს ქვეყნისთვის სასიცოცხლოდ მნიშვნელოვანი ფუნქციას.

2019 წლის 31 მაისს საქართველოს საგადასახადო კოდექსში ცვლილების შეტანით განხორციელდა რეფორმა, რომლითაც შეიცვალა ავტოსატრანსპორტო საშუალებათა საბაჟო გაფორმების წესი. ცვლილება შეეხო მარჯვენასაჭიანი ავტომობილების (ჰიბრიდი და ელექტროავტომობილების) აქციზის განაკვეთით დაბეგვრის მექანიზმს, ცოტა ადრე 2018 წლის ნოემბერში განხორციელებული ცვლილების შედეგად შეიცვალა მოტოციკლეტებისა და მოპედების საბაჟო გაფორმების სპეციფიკა. ამ ორი ცვლილებით როგორი იქნება აქციზით მობილიზებული თანხების ცვლილება ბიუჯეტში, რამდენად საბოლოოდ მიიღწევა უსაფრთხოება ქვეყანაში და ავტოპარკის განახლება.

უმაღლესი განათლების სისტემაში უცხოური ენების შესწავლას განსაკუთრებული ადგილი უჭირავს. მიუხედავად იმისა, რომ ინგლისური ენა არის ყველაზე მოთხოვნადი, ევროპაში ბევრი სლავი ცხოვრობს. ამიტომაც ძალიან მნიშვნელოვანია თანამედროვე სლავური ენების პოპულარიზაცია.
ენა არის ურთიერთობის უმნიშვნელოვანესი ელემენტი, რომლის გარეშეც შეუძლებელია საზოგადოების განვითარება. უცხოური ენის ძირითადი დანიშნულებაა კომუნიკაციური კომპეტენციის ფორმირება, ანუ შესაძლებლობა განვახორციელოთ კომუნიკაცია სხვა ერის წარმომადგენელთან.

ქართულ-ოსმალური ურთიერთობა და ამ ურთიერთობის შედეგები ყოველთვის იყო ტრადიციული ქართული ისტორიოგრაფიის განსაკუთრებული ინტერესის საგანი. თუმცა, ობიექტური კვლევისთვის აუცილებელი მრავალი (განსაკუთრებით, ოსმალური) წყარო ქართველ მეცნიერთათვის მიუწვდომელი იყო, ეს კი, უნდა ვაღიაროთ, ხშირად ქმნიდა საფუძველს მცდარი მოსაზრებებისთვის ან, სულაც, ე. წ. თეთრი ლაქებისთვის. წარმოდგენილი სემინარი მომზადებულია ქართულ საისტორიო ლიტერატურაში დამკვიდრებული ტრადიციების პარალელურად თურქეთის არქივებში მოპოვებულ ოსმალურ წყაროებში და სამეცნიერო კვლევებში მოცემულ ინფორმაციის საფუძველზე, რაც არა მხოლოდ ნათელყოფს არაერთ კონკრეტულ ფაქტს, მოვლენას თუ თარიღს, არამედ იძლევა მთელი რეგიონის მასშტაბური კვლევის საშუალებას.