სამართლისა და საჯარო მმართველობის დეპარტამენტის ასისტენტ-პროფესორმა გიგა ფარტენაძემ სკოლა „ევრო -2000"- ში ჩაატარა საჯარო ლექცია თემაზე "არჩევნები და სამოქალაქო აქტივიზმი საქართველოში". შეხვედრა მიზნად ისახავდა ახალგაზრდებში საარჩევნო კულტურისა და დემოკრატიული ჩართულობის მნიშვნელობაზე ცნობიერების ამაღლებას. ლექციის ფარგლებში განხილული იყო როგორც საქართველოს საარჩევნო სისტემის განვითარება, ასევე მოქალაქეთა როლი და პასუხისმგებლობა დემოკრატიული პროცესების გამყარებაში. ლექციის ფარგლებში მოსწავლეებს შესაძლებლობა ჰქონდათ მონაწილეობა მიეღოთ სიმულირებულ ელექტრონულ კენჭისყრაში, რაც კიდევ უფრო საინტერესოს და ინტერაქტიულს ხდიდა შეხვედრას.

31 მარტიდან 4 აპრილის ჩათვლით, ბსუ-ს საზოგადოებრივ და პოლიტიკურ მეცნიერებათა დეპარტამენტის ასოცირებული პროფესორი ლაშა ბაჟუნაიშვილი ერასმუს +-ის გაცვლითი პროგრამის ფარგლებში მურსიის უნივერსიტეტში (ესპანეთის სამეფო) იმყოფებოდა. ლაშა ბაჟუნაიშვილმა სალექციო კურსი წაიკითხა შავი ზღვის რეგიონის გეოპოლიტიკისა და თანამედროვე საერთაშორისო პოლიტიკის გამოწვევების შესახებ.

ხელვაჩაურის მუნიციპალიტეტის სოფელ მახოს საჯარო სკოლაში ბსუ-ს პროფესორ მურმან გორგოშაძის ინიციატივით, ბათუმის შოთა რუსთაველის სახელმწიფო უნივერსიტეტთან მეგობრული თანამშრომლობის ფარგლებში, ჩატარდა ხელვაჩაურის მუნიციპალიტეტის სკოლებს შორის ტურნირი ფრენბურთში ბსუ-ს იურიდიული და სოციალური მეცნიერებათა ფაკულტეტის გარდამავალ თასზე.

იურიდიული და სოციალურ მეცნიერებათა ფაკულტეტზე გაიმართა საგრანტო პროექტის წარდგენა - „სწრაფი მართლმსაჯულების პრობლემატიკა საქართველოში აჭარის რეგიონის მაგალითზე“. მოწვეულები იყვნენ ბათუმის საქალაქო და ხელვაჩაურის რაიონული სასამართლოების, აჭარის პროკურატურის და ადვოკატთა ასოციაციის წარმომადგენლები.

28 აპრილიდან 2 მაისის ჩათვლით, ბათუმის შოთა რუსთაველის სახელმწიფო უნივერსიტეტის მოწვეული და აკადემიური პერსონალი მონაწილეობდა Erasmus+ International Credit Mobility (KA171) პერსონალის კვირეულში, რომელიც ნიდერლანდებში, ქალაქ დორდრეხტში, ნიდერლანდების ბიზნეს-აკადემიაში გაიმართა. პროექტი მოიცავდა სესიებს საგანმანათლებლო მენეჯმენტის, ტრავმისა და მედიაციის საკითხებზე.