ბათუმის შოთა რუსთაველის სახელმწიფო უნივერსიტეტში, იურიდიული და სოციალურ მეცნიერებათა ფაკულტეტის პროფესორ მურმან გორგოშაძის 60 წლის იუბილესადმი მიძღვნილი ღონისძიება გაიმართა. ღონისძიებას ესწრებოდნენ პროფესორ-მასწავლებლები, სტუდენტები და მოწვეული სტუმრები, რომლებმაც ბატონ მურმანს იუბილე მიულოცეს და მის ღვაწლსა და მიღწევებზე ისაუბრეს. ბსუ-ს რექტორმა მერაბ ხალვაშმა პროფესორ მურმან გორგოშაძეს უნივერსიტეტის სასწავლო და სამეცნიერო საქმიანობაში შეტანილი განსაკუთრებული წვლილისთვის საპატიო სიგელი გადასცა.

2-8 თებერვალს Erasmus+ის ინსტიტუციური განვითარების პროექტის „მედიაცია: ტრენინგი და საზოგადოების ტრანსფორმაცია (MEDIATS)“ ფარგლებში ნიდერლანდებში, ქალაქ ბრედაში გამართულ შეხვედრაში მონაწილეობა მიიღეს ბათუმის შოთა რუსთაველის სახელმწიფო უნივერსიტეტის პროფესორ-მასწავლებლებმა. გაცნობითი ხასიათის შეხვედრებში პროექტის მონაწილეებმა ნიდერლანდებიდან, ლატვიიდან, ესპანეთიდან, უკრაინიდან, აზერბაიჯანიდან და საქართველოდან მედიაციის სამაგისტრო პროგრამის განხორციელებისა და მედიაციის ფედერაციის შექმნის დეტალები განიხილეს. ღონისძიება ნიდერლანდების ბიზნეს აკადემიის ორგანიზებით მოეწყო.

ბათუმის შოთა რუსთაველის სახელმწიფო უნივერსიტეტსა და აჭარის იურიდიული დახმარების ბიუროს შორის გაფორმებული თანამშრომლობის მემორანდუმის საფუძველზე იურიდიული და სოციალურ მეცნიერებათა ფაკულტეტის სამართალმცოდნეობის სპეციალობის ექვსმა სტუდენტმა სტაჟირება გაიარა აჭარის იურიდიული დახმარების ბიუროში. სტუდენტები ბიუროს მუშაობის პრინციპს გაეცნენ და ყოველდღიურ სამქმიანობაში მონაწილეობდნენ. სტაჟირების დასრულების შემდეგ უნივერსიტეტის ბაზაზე გაიმართა იმიტირებული სასამართლო პროცესი, სადაც მოწვეული იყო ბიუროს უფროსი ქალბატონი იამზე ზანდარაძე. იმიტირებული სასამართლო პროცესის მეშვეობით სტუდენტებს საშუალება მიეცათ სტაჟირების პერიოდში დაგროვილი ცოდნა და გამოცდილება წარმოჩენათ.

საქართველოს განვითარებისა და სტრატეგიის ცენტრმა (GCSD - Georgian Center for Strategy and Development) ტრენინგი ჩაატარა რადიკალიზაციისა და ძალადობრივი ექსტრემიზმის კუთხით ერთობლივი ძალისხმევის მნიშვნელობის შესახებ. ტრენინგში მონაწილეობა მიიღეს ბათუმის შოთა რუსთაველის სახლემწიფო უნივერსიტეტის იურიდიული და სოციალური მეცნიერებების ფაკულტეტის ასოცირებულმა პროფესორმა ირაკლი მანველიძემ და ევროპისმცოდნეობის სპეციალობის IV კურსის სტუდენტმა მარიამ ფუტკარაძემ.

21 იანვრიდან 25 იანვრის ჩათვლით ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის სამართლის დეპარტამენტში სასწავლო ვიზიტით იმყოფებოდა ასტანის, ყაზგუს უნივერსიტეტის სამართლის სპეციალობის 8 (რვა) მაგისტრანტი, რომლებსაც ლექციები ჩაუტარდათ „საქართველოს კანონმდებლობის სიახლეებისა და რეფორმირების შესახებ“. ლექციები წაიკითხეს პროფესორებმა: ადამ მახარაძემ, ომარ ფარტენაძემ, სოლომონ მენაბდიშვილმა, პაატა ხოტენაშვილმა, ლევან ჯაყელმა, ლევან ლორთქიფანიძემ, გივი აბაშიძემ, სოლომონ მენაბდიშვილმა, პაატა ხოტენაშვილმა. სალექციო კურსის დასრულების შემდეგ სტუდენტებს სერტიფიკატები გადაეცათ.