15 მარტს თბილისში, ივანე ჯავახიშვილის სახელობის უნივერსიტეტის იურიდიული ფაკულტეტის საარჩევნო სისტემებისა და წარმომადგენლობითი დემოკრატიის სამეცნიერო-კვლევითი ინსტიტუტის ორგანიზებით გაიმართა პროფესორ იროდიონ სურგულაძისადმი მიძღვნილი სტუდენტური კონფერენცია. სამეცნიერო სესიაში მონაწილეობა მიიღეს ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის II კურსის სტუდენტმა გიზო ქათამაძემ და მეცნიერ-ხელმძღვანელმა, ასოცირებულმა პროფესორმა მალაზ ნაკაშიძემ. გიზო ქათამაძემ კონფერენციაზე წარადგინა მოხსენება თემაზე: „პრეზიდენტის სტატუსი და უფლებამოსილებები“.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის და უკრაინის მეცნიერებათა აკადემიის კიევის სამართლის უნივერსიტეტის ორგანიზატორობით ადამიანის უფლებების საკითხებზე 25 თებერვალს ქალაქ როვნოში ერთობლივი ზამთრის სკოლა გაიხსნა. სწავლებაში მონაწილეობა მიიღეს ბსუ-ს ოთხმა სტუდენტმა და ასოცირებულმა პროფესორმა პაატა ხოტენაშვილიმა. ზამთრის სკოლის ფარგლებში პაატა ხოტენაშვილიმა ლექციები წაიკითხა ადამიანის უფლებათა საერთაშორისო და ევროპულ სტანდარტებზე.

ივანე ჯავახიშვილის სახელობის თბილისის სახელმწიფო უნივერსიტეტის პროფესორს, ილიაუნის პოლიტოლოგიის ინსტიტუტის დირექტორს, საქართველოს პოლიტიკის მეცნიერებების ასოციაციის თავმჯდომარეს მალხაზ მაცაბერიძეს ბათუმის შოთა რუსთაველის სახელმწიფო უნივერსიტეტის აკადემიურმა საბჭომ საპატიო დოქტორის წოდება მიანიჭა. პროფესორმა მალხაზ მაცაბერიძემ მნიშვნელოვანი წვლილი შეიტანა ბსუ-ს პოლიტიკის მეცნიერების მიმართულების ჩამოყალიბებასა და განვითარებაში. იგი 15-მდე სახელმძღვანელოს, 15 მონოგრაფიის და რამდენიმე ათეული სამეცნიერო სტატიის ავტორია, მონაწილეობა აქვს მიღებული მრავალ საერთაშორისო და ეროვნულ სამეცნიერო კონფერენციებში.

ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებულმა პროფესორმა ირაკლი მანველიძემ და მოწვეულმა ლეტქტორმა, საჯარო მმართველობის დოქტორანტმა გიგა ფარტენაძემ მონაწილეობა მიიღეს თბილისში გამართულ საერთაშორისო სემინარში „ბირთვული და რადიაციული გაუვრცელებლობის საგანამანთლებლო ქსელი საქართველში“. სემინარი ეძღვნებოდა საქართველოში ბირთვული გაუვრცელებლობის საკითხებით მეტ დაინტერესებას და ბირთვული გუავრცელებლობის სფეროში სასწავლო და კვლევითი შესძლებლობების გაძლიერებას. სემინარის ორგანიზატორები იყვნენ სამოქალაქო თავდაცვის და უსაფრთხოების საბჭო და შვედეთის რადიაციული უსაფრთხოების სახელმწიფო სააგენტო.

ბათუმის შოთა რუსთაველის სახელმწიფო უნივერსიტეტში, იურიდიული და სოციალურ მეცნიერებათა ფაკულტეტის პროფესორ მურმან გორგოშაძის 60 წლის იუბილესადმი მიძღვნილი ღონისძიება გაიმართა. ღონისძიებას ესწრებოდნენ პროფესორ-მასწავლებლები, სტუდენტები და მოწვეული სტუმრები, რომლებმაც ბატონ მურმანს იუბილე მიულოცეს და მის ღვაწლსა და მიღწევებზე ისაუბრეს. ბსუ-ს რექტორმა მერაბ ხალვაშმა პროფესორ მურმან გორგოშაძეს უნივერსიტეტის სასწავლო და სამეცნიერო საქმიანობაში შეტანილი განსაკუთრებული წვლილისთვის საპატიო სიგელი გადასცა.