ბათუმის შოთა რუსთაველის სახელმწიფო უნივერსიტეტის საზაფხულო სკოლა „ენების კვირეული ბსუ-სთან ერთად’’ დასრულდა. დახურვის ცერემონიაზე ერთკვირიანი მუშაობა შეჯამდა და სკოლის ყველა მონაწილეს სერტიფიკატები გადაეცა.საზაფხულო სკოლაში ბათუმის საჯარო და კერძო სკოლის 100-მდე მოსწავლე და ჰუმანიტარულ მეცნიერებათა ფაკულტეტის სტუდენტები მონაწილეობდნენ.

საზაფხულო სკოლის „ენების კვირეული ბსუ-სთან ერთად’’ ფარგლებში ბათუმის შოთა რუსთაველის სახელმწიფო უნივერსიტეტს ფრანგი ქართველოლოგი, ბსუ-ს საპატიო დოქტორი და ემერეტუს პროფესორი შარლ რენუ ეწვია. ფრანგი პროფესორი ჰუმანიტარულ მეცნიერებათა ფაკულტეტის დეკანთან მარინა გიორგაძესთან ერთად საზაფხულო სკოლის მონაწილეებს შეხვდა, ქართულ კულტურასა და ფრანგული ენის სწავლების მნიშვნელობაზე ესაუბრა.

ბათუმის შოთა რუსთაველის სახელმწიფო უნივერსიტეტში საზაფხულო სკოლა „ენების კვირეული ბსუ-სთან’’ ერთად გაიხსნა. საზაფხულო სკოლის 100-მდე მონაწილეს ერთი კვირის განმავლობაში უცხოური ენების (ინგლისური, გერმანული, ფრანგული და რუსული) ინტენსიური კურსი ჩაუტარდებათ, რომელიც სასწავლო-საგანმანათლებლო და გასართობ აქტივობებს მოიცავს. საზაფხულო სკოლაში ბათუმის საჯარო და კერძო სკოლების მე-11 და მე-12 კლასის მოსწავლეები და ბათუმის შოთა რუსთაველის სახელმწიფო უნივერსიტეტის ჰუმანიტარულ მეცნიერებათა ფაკულტეტის ინგლისური, გერმანული, ფრანგული და რუსული ფილოლოგიის სტუდენტები მონაწილეობენ.

ბათუმის შოთა რუსთაველის სახელმწიფო უნივერსიტეტისა და ფრანკფურტის იოჰან ვოლფგანგ გოეთეს უნივერსიტეტის ერთობლივი V საერთაშორისო საზაფხულო სკოლა „დიგიტალური ჰუმანიტარია - ენისა და კულტურის ელექტრონული დოკუმენტაცია“ დასრულდა. მასში მონაწილეობა 150-ზე მეტმა სტუდენტმა და 40-მდე პროფესორმა მიიღო, როგორც საქართველოდან, ასევე ევროპის ქვეყნებიდან. საზაფხულო სკოლაში უკვე დაგროვილი გამოცდილების საფუძველზე ბსუ-ში შეიქმნა და 2015 წლიდან მოქმედებს მაინორის პროგრამა დიგიტალურ ჰუმანიტარიაში, რომელიც ერთადერთია საქართველოში.

ბათუმის შოთა რუსთაველის სახელმწიფო უნივერსიტეტისა და ფრანკფურტის იოჰან ვოლფგანგ გოეთეს უნივერსიტეტის ერთობლივი V საერთაშორისო საზაფხულო სკოლა „დიგიტალური ჰუმანიტარია - ენისა და კულტურის ელექტრონული დოკუმენტაცია“ გაიხსნა. საზაფხულო სკოლის მიზანია დიგიტალური ჰუმანიტარიის განვითარება საქართველოში, ენისა და კულტურის ელექტრონული დოკუმენტაციის ძირითადი პრინციპებისა და მეთოდების შესწავლა, აღნიშნული პროფილის ქართული და საერთაშორისო ელექტრონული რესურსების გაცნობა, საველე სამუშაოების ჩატარების უნარ-ჩვევების გამომუშავება.