2016 წლის 18 ივნისიდან 2 ივლისის ჩათვლით, ბათუმის შოთა რუსთაველის სახელმწიფო უნივერსიტეტის პროფესორ-მასწავლებლები და სტუდენტები საფრანგეთის ქალაქ პუატიეს უნივერსიტეტში გამართულ საზაფხულო კამპუსში და სემინარში ღებულობდნენ მონაწილეობას. სემინარი მიეძღვნა თემას: „ევროპული მულტილინგვიზმი და თარგმანი“.

ღონისძიება 2 სექციად იყო დაყოფილი,  I სექცია „ ენები და თარგმანი“ განსაზღვრული იყო სტუდენტებისათვის, ხოლო II სექცია: „ინოვაციური მეთოდოლოგიების განსაზღვრა, უახლესი გამოცემის ფრანგული სახელმძღვანელოების განხილვა და დისტანციური/ონლაინ  მეთოდების დანერგვა ფრანგული ენის სწავლა-სწავლების პროცესში“ განსაზღვრული იყო პროფესორ-მასწავლებლებისათვის. ღონისძიებაში მონაწილეობას 11 ქვეყნის წარმომადგენლები ღებულობდნენ. ბათუმის შოთა რუსთაველის სახელმწიფო უნივერსიტეტიდან   სხვადასხვა  ფაკულტეტის ფრანკოფონი სტუდენტები: მალვინა დიასამიძე, ანა კაჭარავა, თამარ ართილაყვა, მაგდა ჯაფარიძე, ქეთევან სალაძე, ანა ნიქაბაძე, ნათია დავითაძე, მარიამ ოსაძე და ფრანგული ფილოლოგიის დეპარტამენტის პროფესორ-მასწავლებლები: ნატალია სურგულაძე, ვიქტორია დიასამიძე და მანონი ძნელაძე მონაწილეობდნენ.

საზაფხულო კამპუსის დასასრულს მონაწილეებს  სერტიფიკატები გადაეცათ და პუატიეს მერიაში საზეიმო მიღება გაიმართა.

საზაფხულო სკოლა პუატიეს უნივერსიტეტში   ბსუ-სა და პუატიეს უნივერსიტეტს შორის დადებული მემორანდუმის ფარგლებში, ბსუ-ს დაფინანსებით.