ახალი ამბები
01.10.2019

დიგიტალური ჰუმანიტარიის მე-8 საერთაშორისო საზაფხულო სკოლის „დიგიტალური ქართველოლოგია და კავკასიოლოგია“ ფარგლებში ბათუმის შოთა რუსთაველის სახელმწიფო უნივერსიტეტში საერთაშორისო ვორკშოფი გაიმართა დოკულინგვისტიკისა და კორპუსლინგვისტიკის საკითხებზე. ევროპელმა ექსპერტებმა, ფრანკფურტის უნივერსიტეტის ემპირიული ენათმეცნიერების ინსტიტუტის დირექტორმა, გერმანელმა კავკასიოლოგმა, პროფესორმა იოსტ გიპერტმა და იენის უნივერსიტეტის კავკასიოლოგიის დეპარტამენტის ხელმძღვანელმა, პროფესორმა დიანა ფორკერმა ლექციები წაიკითხეს თემებზე: „ტექსტის კორპუსი, როგორც ისტორიული კვლევის საფუძველი“ და „კავკასიური ენების დიგიტალური ლექსიკონები“.