განცხადებები

ბათუმის შოთა რუსთაველის სახელმწიფო უნივერსიტეტი 2014 წლის 24 სექტემბრიდან 03 ოქტომბრის ჩათვლით უმცროსი ექიმებისა და საექიმო სპეციალობის მაძიებლებისათვის, რომლებმაც მზადება დაიწყეს 2013 წლის 20 დეკემბრამდე და დასრულებული აქვთ I სასწავლო წლის მოდულები, აცხადებს რეგისტრაციას სარეზიდენტო პროგრამის ,,სამედიცინო რადიოლოგია“ ულტრაბგერითი დიაგნოსტიკის მოდულებზე.

ბათუმის შოთა რუსთაველის სახელმწიფო უნივერსიტეტის აბიტურიენტთა მოსამზადებელი ცენტრი აცხადებს მსმენელთა მიღებას განახლებულ საგანმანათლებლო პროგრამებზე ერთიანი ეროვნული გამოცდებისათვის მოსამზადებლად.

საჯარო სამსახურის ბიურო საუკეთესო შესაძლებლობას გაძლევთ, სტაჟირება გაიაროთ საჯარო დაწესებულებებში დამამთავრებელი კურსის სტუდენტებსა და კურსდამთავრებულებს (რომელთა სწავლის დასრულებიდან გასული არ არის ორ წელზე მეტი), რომლებიც გამოირჩევით/გამოირჩეოდით მაღალი აკადემიური მოსწრებით (GPA მინიმუმ 3.0). სტაჟირების მსურველები, აუცილებელია დარეგისტრირდეთ ვებგვერდზე - www.stajireba.gov.ge, მიმდინარე წლის 15-დან 25 სექტემბრამდე.

ბათუმის შოთა რუსთაველის სახელმწიფო უნივერსიტეტი ევროკომისიის მიერ დაფინანსებული საერთაშორისო გაცვლითი პროექტებისა და პროგრამების მიხედვით - Tempus, Erasmus mundus, საქართველოს უმაღლეს საგანმანათლებლო დაწესებულებებს შორის მესამე ადგილზეა. ბსუ საერთაშორისო ორგანიზაციის Tempus-ის 18 პროექტისა და Erasmus mundus-ის 6 გაცვლითი პროგრამის მონაწილეა.

ახალი სასწავლო წელი ბაკალავრიატში დაიწყება 15 სექტემბერს, მაგისტრატურასა და დოქტორანტურაში 29 სექტემბერს. სტუდენტთა აკადემიური და ადმინისტრაციული რეგისტრაცია იწარმოებს 1-ლი სექტემბრიდან 12 სექტემბრის ჩათვლით 10:00-დან 18:00 საათამდე შესაბამისი ფაკულტეტების დეკანატებში.