ანონსები

2-10 დეკემბერს ბათუმის შოთა რუთაველის სახელმწიფო უნივერსიტეტი ადამიანის უფლებების სამართლის საუნივერსიტეტო კვირეულს უმასპინძლებს. ღონისძიებაში მონაწილეობას მიიღებს საქართველოს 17 უნივერსიტეტი. საუნივერსიტეტო კვირეულს მხარს უჭერს USAID სამართლის უზენაესობის პროგრამა და მისი მიზანია სტუდენტებსა და ახალგაზრდებში ადამიანის უფლებების პრობლემური საკითხების შესახებ ცოდნის გავრცელება და უნივერსიტეტების თანამშრომლობის გზით ადამიანის უფლებების სამართლის შესახებ იდეათა და მოსაზრებათა აქტიური ურთიერთგაცვლა.

1-ელ დეკემბერს, 12:00 საათზე, ბათუმის შოთა რუსთველის სახელმწიფო უნივერსიტეტის 32-ე აუდიტორიაში გაიმართება შოთა რუსთაველის საქართველოს ეროვნული სამეცნიერო ფონდის ფუნდამენტური კვლევებისათვის სახელმწიფო სამეცნიერო გრანტის 2018 წლის კონკურსში გამარჯვებული საგრანტო პროექტის - „რა იგებს არჩევნებს საქართველოში" დასკვნითი პრეზენტაცია. პრეზენტაციაზე წარმოდგენილ იქნება პროექტის ძირითადი შედეგები. პროექტის პრეზენტაციაში მონაწილეობას მიიღებენ ბსუ-ს ნიკო ბერძენიშვილის ინსტიტუტის უფროსი მეცნიერი თანამშრომელი რუსლან ბარამიძე, უფროსი მასწავლებელი, ფილოლოგიის დოქტორი მაია ბოლქვაძე, ბერლინის დამოუკიდებელი სოციოლოგიური კვლევების ცენტრის თანამშრომლები დოქტორი სევილ ჰუსეინოვა და დოქტორი სერგეი რუმიანცევი, დამოუკიდებელი მკვლევარი დოქტორი მიკაელ ზოლიანი.

24-25 ნოემბერს ,ბათუმის შოთა რუსთაველის სახელმწიფო უნივერსიტეტში (II კორპუსში, I სართული, აუდიტორია №129). ფრანკოფონული საუნივერსიტეტო სააგენტოს (AUF) ეგიდით, გრიგოლ რობაქიძის უნივერსიტეტის პროფესორი თამარ გაგოშიძე ტრეინინგს ჩაატარებს თემაზე: „ფრანგული დისკურსების მრავალფეროვნება“. ტრენინგში მონაწილეობა შეუძლიათ სხადასხვა ფაკულტეტის სტუდენტებსა და პროფესორ-მასწავლებლებს.

15-16 ნოემბერს, ბათუმის სახელმწიფო უნივერსიტეტში ამერიკელი მედიაექსპერტების, ასოცირებულ პროფესორ, დოქტორ ბილ სილკოკისა და დოქტორ კენ ფოსკეტტის საჯარო ლექციები გაიმართება.

ბათუმის შოთა რუსთაველის სახელმწიფო უნივერსიტეტის აკადემიური და მოწვეული პერსონალის პროფესიული განვითარების მიზნით, ტრენინგები ჩატარდება სწავლების, სწავლისა და სხვა აქტუალურ საკითხებზე. ტრენინგები ბსუ-ს ხარისხის უზრუნველყოფის სამსახურის ორგანიზებით 14 ნოემბერს დაიწყება და დასრულდება 19 დეკემბერს.