რუსთაველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტის ორგანიზებით ჩატარდება საჯარო ლექცია თემაზე - „ახალი კორონავირუსი (nCOV)-გამოწვევა მსოფლიოსთვის“. ლექციას ჩაატარებენ ბსუ-ს ასოცირებული პროფესორი, იმუნოლოგი, ლეილა ახვლედიანი, ბსუ-ს პროფესორი, მედიცინის დოქტორი სოფიო ბერიძე და აჭარის ჯანდაცვის მინისტრის პირველი მოადგილე ნინო ნიჟარაძე.
2020 წლის 9 აპრილს, 12:00 საათზე, Zoom-ის ონლაინ პლატფორმაზე, ბათუმის შოთა რუსთაველის სახელმწიფო უნივერსიტეტის ეკონომიკისა და ბიზნესის ფაკულტეტის ორგანიზებით მუშაობას დაიწყებს ვებპანელი „კორონავირუსის პანდემიით გამოწვეული რეცესია, მისი შემაკავებელი ბარიერები და პოსტკორონავირუსული კრიზისის დაძლევა საქართველოში“. ვებპანელის მუშაობა ეძღვნება საქართველოს დამოუკიდებლობის აღდგენის 29-ე წლისთავს.
27თებერვალს, 12:00 საათზე, ბათუმის შოთა რუსთაველის სახელმწიფო უნივერსიტეტის პირველი კორპუსის ფოიეში გამოფენა „თანამედროვე სახელმწიფო სიმბოლოები“ გაიხსნება. ღონისძიების ფარგლებში 13:00 საათზე, 509-ე აუდიტორიაში ჩატარდება ლექცია თემაზე:„ქართული ჰერალდიკა“. გამოფენაზე წარმოდგენილი იქნება დამოუკიდებლობის აღდგენის შემდეგ შექმნილი და დამტკიცებული საქართველოს სახელმწიფო სიმბოლოები, ავტონომიური რესპუბლიკების, თვითმმართველი ორგანოების სიმბოლოები (გერბი, დროშა), სახელმწიფო და უწყებრივი ჯილდოები, უნიფორმები, ფულადი ნიშნები და სხვა ინსიგნიები.
26-27 თებერვალს, 16:00 საათზე, ბათუმის შოთა რუსთაველის სახელმწიფო უნივერსიტეტის 55-ე აუდიტორიაში ჭადრაკის ტურნირი „ბსუ-ს თასი - 2020“ გაიმართება. ჭადრაკის ტურნირი იმართება ბსუ-ს საბუნებისმეტყველო მეცნიერებათა და ჯანდაცვის ფაკულტეტის სტუდენტის, პირველი თანრიგოსანი მოჭადრაკის ლიკა ამყოლაძის ინიციატივით. მხარდამჭერები: ბსუ-ს სტუდენტთა კარიერული განვითარების, კულტურისა და სპორტის დეპარტამენტი, აჭარის ჭადრაკის ფედერაცია
საბჭოთა რუსეთის მიერ საქართველოს ოკუპაციიდან 99 წელი გავიდა. ბათუმის შოთა რუსთაველის სახელმწიფო უნივერსიტეტში ოკუპაციის დღისადმი მიძღვნილი დისკუსია გაიმართება. ჰუმანიტარულ მეცნიერებათა ფაკულტეტის პროფესორ-მასწავლებლები და სტუდენტები საქართველოში, 1921 წლის თებერვალ-მარტში განვითარებულ მოვლენებზე იმსჯელებენ. 99 წლის წინ საბჭოთა რუსეთის მე-11 წითელი არმია თბილისში შეიჭრა, საბჭოთა ხელისუფლება დამყარდა და საქართველომ სუვერენიტეტი დაკარგა.
