ანონსები

5 ივლისს, 11:00 სთ-ზე, Bologna Hub Pier Support II პროექტის მესამე ფაზის ფარგლებში, ექსპერტები ოლივერ ვეტორი და სონია მიკესკა ჩაატარებენ ონლაინ სემინარს თემებზე: „ხელვნური ინტელექტის გამოყენება სწავლება-სწავლის პროცესში“ და „ერთობლივი პროგრამების შემუშავება და გამოწვევები“. დაინტერესების შემთხვევაში, მსურველებს შეუძლიათ დაესწრონ სემინარს დანართი 1-ში მითითებული Zoom პლათფორმის ლინკის საშუალებით.

17-29 ივნისს დრეზდენის ტექნოლოგიური უნივერსიტეტის წარმომადგენლები „ერაზმუს+“-ის საგრანტო პროექტის „სოციალური უნარების განვითარება სომხეთისა და საქართველოს უმაღლეს საგანმანათლებლო დაწესებულებებში 21-ე საუკუნის შრომის ბაზრის მოთხოვნების შესაბამისად“ ფარგლებში, ჩაატარებენ ონლაინ ტრენინგ-კურსს თემაზე: „ინტერპერსონალური უნარების განვითარების მეთოდოლოგია და მასიური ღია ონალაინ კურსის დიზაინი“. პროექტის მიზანია საქართველოსა და სომხეთის უმაღლეს საგანმანათლებლო დაწესებულებებში პროგრამების დაგეგმვის, შემუშავებისა და განვითარების ხელშეწყობა.

2024 წლის 12 ივნისს, 13:00 საათზე, ბათუმის შოთა რუსთაველის სახელმწიფო უნივერსიტეტში, იურიდიულ და სოციალურ მეცნიერებათა ფაკულტეტზე ჩატარდება სემინარი თემაზე „ევროკავშირში გაწევრიანების პოლიტიკური კრიტერიუმები და ევროპეიზაციის გამოწვევები“.მომხსენებელი: პროფესორი, ჟან მონეს კათედრის (EUCONST) ხელმძღვანელი, ჟან მონეს მოდულის (TRIO.JOIN.EU) კოორდინატორი მალხაზ ნაკაშიძე.

12 ივნისს, 12:00 საათზე, 55-ე აუდიტორიაში, მკვლევრები და ცნობილი ამერიკელი ისტორიკოსი, ჰარვარდის უნივერსიტეტის საქართველოს შემსწავლელი პროგრამის დირექტორი, პროფესორი სტივენ ჯონსი, პროფესორ-მასწავლებლებისთვის და სტუდენტებისთვის წარადგენენ პროექტის - „წარსული, როგორც დემოკრატიული ზრდის რესურსი აწმყოში (ისტორიის პოლიტიკა საქართველოში)“ - შედეგებს.

24-31 მაისს, ტურიზმის ფაკულტეტს სამუშაო ვიზიტით ეწვევიან ბსუ-ს საპატიო დოქტორები „Solutions Holding“-ის აღმასრულებელი დირექტორი, პროფესორი შტეფან გერჰარდი და გერმანიის მასპინძლობის საერთაშორისო ინსტიტუტის ხელმძღვანელი, პროფესორი გერალდ ვეტცელი.27 და 28 მაისს სამუშაო ვიზიტის ფარგლებში დაგეგმილია „ტურიზმის მენეჯმენტის“ სამაგისტრო პროგრამის სტუდენტებისთვის „საერთაშორისო სასტუმროს მენეჯმენტის" ლექციების ჩატარება (27.05./28.05 10:00 სთ. 118 აუდიტორია) და გერმანიის საწარმოო პრაქტიკისთვის შერჩეული სტუდენტებისთვის მასტერ-კლასების ჩატარება.