ბათუმის შოთა რუსთაველის სახელმწიფო უნივერსიტეტი და ბათუმის ბიზნეს ინკუბატორი აჭარის ავტონომიური რესპუბლიკის მთავრობის ფინანსური მხარდაჭერით ახორციელებს მიკრო და მცირე ბიზნესის მხარდამჭერ პროექტს.
საგრანტო კონკურსი
პროექტის ფარგლებში, ბათუმის შოთა რუსთაველის სახელმწიფო უნივერსიტეტი ბათუმის ბიზნეს ინკუბატორთან (BBI) პარტნიორობით აცხადებს საგრანტო კონკურსს, დამწყები და არსებული მიკრო/მცირე ბიზნესზე ორიენტირებული სუბიექტების მხარდაჭერას დაფინანსების გზით.
სამიზნე არეალი: აჭარის ავტონომიური რესპუბლიკის ექვსივე მუნიციპალიტეტი: ბათუმი, ქობულეთი, ხელვაჩაური, ქედა, შუახევი, ხულო.
მოთხოვნები/ შერჩვის კრიტერიუმები
კონკურსის პირობების თანახმად საქმიანობის სფერო არ იზღუდება გარდა სახელმძღვანელოთი გათვალისწინებული შეზღუდვებისა (იხ. დანართი 2)
გრანტების მოცულობა და ბენეფიციარის თანამონაწილეობა
პროგრამის დაფინანსება ერთ ბენეფიციარზე განსაზღვრულია არანაკლებ 5,000 და არაუმეტეს 30,000 ლარი.
განმცხადებლის მიერ წარმოდგენილი საგრანტო განაცხადი დაფინანსდება სრულად, არაუმეტეს 30,000 ლარის, განიხილება მაქსიმუმ 60000 ლარის ღირებულების პროექტი.
ვის შეუძლია პროექტული იდეების განაცხადის შემოტანა:
საქართველოში რეგისტრირებულ იურიდიულ პირს, რომელიც ახორციელებს საქმიანობას სამიზნე მუნიციპალიტეტის ტერიტორიაზე;
ფიზიკური პირს, რომელსაც აქვს შესაბამისი ინიციატივა აწარმოოს საქმიანობა სამიზნე მუნიციპალიტეტის ტერიტორიაზე;
პოტენციურ ბენეფიციარს არ უნდა გააჩნდეს დავალიანება სახელმწიფო ბიუჯეტის მიმართ.
პოტენციური ბენეფიციარის უძრავ ქონებას არ უნდა ედოს ყადაღა
უპირატესობა მიენიჭება შემდეგ ბიზნესიდეებს:
რომლის ბენეფიციარებს წარმოადგენს ახალგაზრდები;
რომელშიც გათვალისწინებულია ინოვაციური მიდგომები;
რომელიც ნაკლებად შეიცავს გარემოსთვის ზიანის მიყენების საფრთხეს და/ან ამცირებს მასზე მავნე ზემოქმედებას;
ვრცლად იხილეთ დანართი 1 და დანართი 2;
დანართი 1
დანართი 2| უკან |
