ბათუმის შოთა რუსთაველის სახელმწიფო უნივერსიტეტი 2025-2026 სასწავლო წლისთვის აცხადებს მიღებას მასწავლებლის მომზადების საგანმანათლებლო პროგრამაზე - (65 ადგილი), შემდეგი მიმართულებების მიხედვით:
1. ქართული ენა და ლიტერატურა (საბაზო და საშუალო საფეხური);
2. მათემატიკა (საბაზო და საშუალო საფეხური);
3. ინგლისური ენა (დაწყებითი, საბაზო და საშუალო საფეხური);
4. გერმანული ენა (დაწყებითი, საბაზო და საშუალო საფეხური);
5. რუსული ენა (დაწყებითი, საბაზო და საშუალო საფეხური);
6. ფრანგული ენა (დაწყებითი, საბაზო და საშუალო საფეხური);
7. ფიზიკა (საბაზო და საშუალო საფეხური);
8. ბიოლოგია (საბაზო და საშუალო საფეხური);
9. ქიმია (საბაზო და საშუალო საფეხური);
10. გეოგრაფია (საბაზო და საშუალო საფეხური);
11. ისტორია (საბაზო და საშუალო საფეხური);
12. სამოქალაქო განათლება (საბაზო და საშუალო საფეხური);
13. ფიზიკური აღზრდა და სპორტი;
14. კომპიუტერული ტექნოლოგიები (საბაზო და საშუალო საფეხური);
აპლიკანტთა რეგისტრაცია იწარმოებს 2025 წლის 2 სექტემბრიდან 10 სექტემბრის ჩათვლით (შაბათ-კვირის გარდა) 12:00 საათიდან 16:00 საათამდე.
რეგისტრაციის ადგილი: ქალაქი ბათუმი, რუსთაველის/ნინოშვილის ქუჩა 32/35, ბსუ-ს N2 კორპუსი, №213 ოთახი.
აპლიკანტმა რეგისტრაციისთვის უნდა წარმოადგინოს შემდეგი დოკუმენტაცია:
ა) განცხადება და ანკეტა (შევსებული №1 დანართის და №2 დანართის შესაბამისად);
ბ) პირადობის მოწმობის ასლი;
გ) მიმართულების შესაბამისი საგნის გამოცდის ჩაბარების დამადასტურებელი დოკუმენტი;
დ) საქართველოს კანონმდებლობით დადგენილი წესით გაცემული ბაკალავრის/ მაგისტრის ან მათთან გათანაბრებული ხარისხის დამადასტურებელი დოკუმენტის (დიპლომის) სანოტარო წესით დამოწმებული ასლი ან შესაბამისი უმაღლესი საგანმანათლებლო დაწესებულების მიერ გაცემული ცნობა შესაბამისი ხარისხის მინიჭების შესახებ, რომელშიც მითითებული უნდა იყოს კვალიფიკაციის მინიჭების შესახებ გადაწყვეტილების ნომერი და თარიღი; უცხოეთში მიღებული უმაღლესი განათლების შემთხვევაში − განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტი;
ე) ფოტოსურათი, ზომით 3X4–ზე;
ვ)სამხედრო აღრიცხვაზე ყოფნის დამადასტურებელი დოკუმენტის ასლი (სამხედრო აღრიცხვას დაქვემდებარებული პირებისთვის).
შენიშვნა: თუ კანდიდატის მიერ წარმოდგენილი დიპლომის გამცემი უმაღლესი საგანმანათლებლო დაწესებულება არ იძებნება აკრედიტებული/ავტორიზებული საგანმანათლებლო დაწესებულების ბაზაში, მასწავლებლის მომზადების საგანმანათლებლო პროგრამაზე ჩარიცხვის მსურველმა პირმა უნდა წარმოადგინოს განათლების ხარისხის განვითარების ეროვნული ცენტრის მიერ გაცემული დიპლომის ნამდვილობის დამადასტურებელი დოკუმენტი
მისაღები გამოცდა ჩატარდება 2025 წლის 12 სექტემბერს, წერითი ფორმით (ინფორმაცია მისაღები გამოცდის შესახებ იხილეთ ვებგვერდზე).
მისაღები გამოცდის შედეგები გამოცხადდება ბსუ-ს ვებგვერდზე 2025 წლის 15 სექტემბერს
საპრეტენზიო განცხადება (არსებობის შემთხვევაში) მიიღება 2025 წლის 16 სექტემბერს, ბსუ-ს საქმისწარმოების სამსახურში (კანცელარია), ბსუ-ს N1 კორპუსში (ქ. ბათუმი, ნინოშვილის/რუსთაველის ქ. N35/32, N1 ოთახი);
საპრეტენზიო განცხადებების განხილვა მოხდება 2025 წლის 17 სექტემბერს;
ბსუ-ს მასწავლებლის პროგრამაზე მისაღები გამოცდის საბოლოო შედეგები გამოქვეყნდება ბსუ-ს ვებგვერდზე 2025 წლის 17 სექტემბერს.
ბსუ-ს მასწავლებლის მომზადების საგანმანათლებლო პროგრამაზე ჩარიცხვის უფლებამოპოვებულ პირებთან ხელშეკრულებები გაფორმდება 2025 წლის 18 სექტემბერს 11:00 საათიდან 17:00 საათამდე. ხელშეკრულების გასაფორმებლად აპლიკანტი უნდა გამოცხადდეს ბსუ-ს მეორე კორპუსში, №213 ოთახი, (მისამართი: ქ. ბათუმი, რუსთაველის/ნინოშვილის ქუჩა 32/35)
დეტალური ინფორმაციისთვის ეწვიეთ ბსუ-ს ვებგვერდს.
შეკითხვების შემთხვევაში დაუკავშირდით ზუსტ მეცნიერებათა და განათლების ფაკულტეტის დეკანის ოფისს, მობ. +995 577 985 832;
ბათუმის შოთა რუსთაველის სახელმწიფო უნივერსიტეტში მასწავლებლის მომზადების საგანმანათლებლო პროგრამაზე მისაღები გამოცდა ჩატარდება წერითი სახით (მაქსიმალური შეფასება - 100 ქულა, მინიმალური ზღვარი - 51 ქულა) ბსუ-ს საგამოცდო ცენტრში (მისამართი: ქ. ბათუმი, ფიროსმანის ქუჩა №12):
- პირველი ცვლა: გამოცდის დაწყების დრო - 1000 სთ, დასრულების დრო - 1300 სთ,
- მეორე ცვლა: გამოცდის დაწყების დრო - 1400 სთ, დასრულების დრო - 1700 სთ.
დანართი 1 დანართი 2 დანართი 3| უკან |
