ბსუ აცხადებს მიღებას სპეციალური მასწავლებლის მომზადების საგანმანათლებლო პროგრამაზე,

ბათუმის შოთა რუსთაველის სახელმწიფო უნივერსიტეტი აცხადებს მიღებას სპეციალური მასწავლებლის მომზადების საგანმანათლებლო პროგრამაზე, 2025-2026 სასწავლო წლისთვის. აპლიკანტთა რეგისტრაცია განხორციელდება 2025 წლის 02 სექტემბრიდან 10 სექტემბრის ჩათვლით (შაბათ-კვირის გარდა) ბსუ-ს მეორე კორპუსში, №213 ოთახი, 12:00 სთ-დან 16:00 საათამდე (მისამართი რუსთაველის/ნინოშვილის ქუჩა 32/35).

აპლიკანტმა რეგისტრაციისთვის  უნდა წარმოადგინოს შემდეგი დოკუმენტაცია:

ა) განცხადება და ანკეტა (შევსებული №1 დანართის   და №2 დანართის შესაბამისად);

ბ) პირადობის მოწმობის  ასლი;

გ) დ) საქართველოს კანონმდებლობით დადგენილი წესით გაცემული ბაკალავრის/ მაგისტრის ან მათთან გათანაბრებული ხარისხის დამადასტურებელი დოკუმენტის (დიპლომის) სანოტარო წესით დამოწმებული ასლი, 2025 წლის კურსდამთავრებულთათვის, -  შესაბამისი უმაღლესი საგანმანათლებლო დაწესებულების მიერ გაცემული ცნობა შესაბამისი ხარისხის მინიჭების შესახებ, რომელშიც მითითებული უნდა იყოს კვალიფიკაციის მინიჭების შესახებ გადაწყვეტილების ნომერი და თარიღი; უცხოეთში მიღებული უმაღლესი განათლების შემთხვევაში − განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტი;

დ) ფოტოსურათი, ზომით 3X4–ზე;

ე) სამხედრო აღრიცხვაზე ყოფნის დამადასტურებელი დოკუმენტის ასლი (სამხედრო აღრიცხვას დაქვემდებარებული პირებისთვის).

ვ) ცნობა საგანმანათლებლო ინსტიტუციებიდან (სკოლები, სკოლამდელი აღზრდის დაწესებულებები და ა.შ.), დღის ცენტრებიდან და ანალოგიური დაწესებულებებიდან სწავლების ან შშმ/სსსმ პირებთან მუშაობის არანაკლებ ორწლიანი გამოცდილების შესახებ.

ზ) ინფორმაცია  საბაზო პროფესიული უნარების გამოცდის ჩაბარებისა და მიღებული ქულის შესახებ; (ამონარიდი შეფასებისა და გამოცდების ეროვნული ცენტრის ელექტრონული პორტალიდან).

შენიშვნა: თუ კანდიდატის მიერ წარმოდგენილი დიპლომის გამცემი უმაღლესი საგანმანათლებლო დაწესებულება არ იძებნება აკრედიტებული/ავტორიზებული საგანმანათლებლო დაწესებულების ბაზაში, მასწავლებლის მომზადების საგანმანათლებლო პროგრამაზე ჩარიცხვის მსურველმა პირმა უნდა წარმოადგინოს განათლების ხარისხის განვითარების ეროვნული ცენტრის მიერ გაცემული დიპლომის ნამდვილობის დამადასტურებელი დოკუმენტი.

მისაღები გამოცდა ჩატარდება 2025 წლის 12 სექტემბერს წერითი ფორმით (მაქსიმალური შეფასება 100 ქულა, მინიმალური ზღვარი 51 ქულა) ბსუ-ს საგამოცდო ცენტრში (მისამართი: ბათუმი,  ფიროსმანის ქუჩა №12), პირველი ცვლისთვის გამოცდის დაწყების დრო  10:00 სთ, დასრულების დრო 13:00 სთ, მეორე ცვლისთვის გამოცდის დაწყების დრო 14 სთ, დასრულების დრო 17 სთ. 

გამოცდის შედეგები გამოცხადდება  2025  წლის 15 სექტემბერს;

 საპრეტენზიო განცხადებები წარმოდგენილი იქნება 2025 წლის 16 სექტემბერს, ბსუ-ს საქმისწარმოების სამსახურში;

 საპრეტენზიო განცხადებების განხილვა მოხდება 2025  წლის 17 სექტემბერს;

 გამოცდის საბოლოო შედეგები გამოქვეყნდება 2025 წლის 17 სექტემბერს, ბსუ-ს ვებგვერდზე.

            ბსუ-ს მასწავლებლის მომზადების საგანმანათლებლო პროგრამაზე ჩარიცხვის უფლებამოპოვებულ პირებთან ხელშეკრულებები გაფორმდება 2025 წლის 18 სექტემბერს 11:00 საათიდან 17:00 საათამდე. ხელშეკრულების გასაფორმებლად აპლიკანტი უნდა გამოცხადდეს  ბსუ-ს მეორე კორპუსში, №213 ოთახი, (მისამართი: ქ. ბათუმი, რუსთაველის/ნინოშვილის ქუჩა 32/35)

დეტალური ინფორმაციისთვის ეწვიეთ ბსუ-ს ვებგვერდს.

შეკითხვების შემთხვევაში დაუკავშირდით ზუსტ მეცნიერებათა და განათლების ფაკულტეტის დეკანის ოფისს, მობ.  +995 577 985 832;

  დანართი 1

  დანართი 2