25-29 დეკემბერს ბსუ-ს აკადემიური, მოწვეული და სამეცნიერო პერსონალისთვის ჩატარდა მოკლევადიანი (16-საათიანი) კურსი „კვლევის ეთიკა და კეთილსინდისიერება“. კურსი შემუშავდა ევროკომისიის მიერ დაფინანსებული პროექტის „კვლევის პასუხისმგებლიანად წარმართვა – კვლევის კეთილსინდისიერება და ეთიკა ქართულ უნივერსიტეტებში“ (Responsible Conduct of Research – Research Integrity and Ethics in Georgian Universities - ETHICS) ფარგლებში.
კურსის ფარგლებში განხილული იქნა კვლევის დაგეგმვა-განხორციელებისთვის მნიშვნელოვანი ისეთი საკითხები, როგორიცაა: კვლევის კეთილსინდისიერება და ეთიკა, მონაცემთა მართვა, სამეცნიერო პუბლიკაციების ეთიკა, ღია მეცნიერება, პლაგიატისა და ინტერესთა კონფლიქტის თავიდან აცილების მექანიზმები, ხელოვნური ინტელექტის გამოყენება კვლევაში და სხვ. კურსი ბსუ-ში პროექტის ETHICS განმახორციელებელი პერსონალის მიერ ონლაინ-ფორმატით განხორციელდა. კურსის დასრულების შემდეგ მონაწილეებმა ინდივიდუალურად შესრულებული დავალებები წარმოადგინეს.
| უკან |
