გამოცხადდა მიღება ბსუ-ს რეზიდენტურის ალტერნატიული დიპლომისშემდგომი განათლების (პროფესიულ მზადების) სარეზიდენტო პროგრამებზე

23 ივლისი 2026 წელი

გამოცხადდა მიღება ბსუ-ს საბუნებისმეტყველო მეცნიერებათა და ჯანდაცვის ფაკულტეტის რეზიდენტურის ალტერნატიული დიპლომისშემდგომი განათლების (პროფესიული მზადების) სარეზიდენტო პროგრამებზე: ,,ორთოდონტია“ (ხანგრძლივობა - 22 თვე); ,,ორთოპედიული სტომატოლოგია“ (ხანგრძლივობა - 15 თვე); მომიჯნავე სპეციალობაში გადამზადების პროგრამა ,,ორთოპედიული სტომატოლოგია“ (ხანგრძლივობა - 6 თვე); სუბსპეციალობის პროგრამა ,,პირის ღრუს ქირურგიული სტომატოლოგია’’ (ხანგრძლივობა - 3 თვე).

2. რეზიდენტურის ალტერნატიული დიპლომისშემდგომი განათლების (პროფესიულ მზადების) სარეზიდენტო პროგრამებზე: ,,ორთოდონტია“ და ,,ორთოპედიული სტომატოლოგია“ კონკურსანტის მიერ წარმოდგენილი უნდა იქნეს შემდეგი დოკუმენტაცია:

ა) პირადობის მოწმობის (ან პასპორტის) ასლი;

ბ) სააპლიკაციო განცხადება (ჩამოტვირთეთ თანდართული ფორმა);

გ) უმაღლესი სამედიცინო განათლების მიღების დამადასტურებელი დოკუმენტი (დიპლომის ნოტარიულად დამოწმებული ასლი ან ცნობა);

დ) მაძიებლის მოწმობის ნოტარიულად დამოწმებული ასლი/ცნობა ან სამედიცინო და ფარმაცევტული საქმიანობის რეგულირების სააგენტოს ოფიციალურ ვებგვერდზე განთავსებული ინფორმაცია ერთიანი საკვალიფიკაციო გამოცდის ჩაბარებისა და შედეგის აღიარების შესახებ;

ე) ავტობიოგრაფია (CV);

ვ) ფოტოსურათი (3x4) - 2 ცალი.

3. მომიჯნავე სპეციალობაში გადამზადების პროგრამაზე ,,ორთოპედიული სტომატოლოგია“ ჩარიცხვის მსურველთა მიერ წარმოდგენილი უნდა იქნეს შემდეგი დოკუმენტაცია:

ა) პირადობის მოწმობის (ან პასპორტის) ასლი;

ბ) სააპლიკაციო განცხადება (ჩამოტვირთეთ თანდართული ფორმა);

დ) დამოუკიდებელი საექიმო საქმიანობის სახელმწიფო სერთიფიკატის ,,თერაპიული სტომატოლოგია“ ნოტარიულად დამოწმებული ასლი.

ე) სსიპ სამედიცინო და ფარმაცევტული საქმიანობის რეგულირების სააგენტოს თანხმობის წერილი, მომიჯნავე სპეციალობაში გადამზადების უფლების მოპოვების თაობაზე;

ვ) ავტობიოგრაფია (CV);

ზ) ფოტოსურათი (3x4) - 2 ცალი.

4. სუბსპეციალობის პროგრამაზე ,,პირის ღრუს ქირურგიული სტომატოლოგია’’ ჩარიცხვის მსურველთა მიერ წარმოდგენილი უნდა იქნეს შემდეგი დოკუმენტაცია:

ა) პირადობის მოწმობის (ან პასპორტის) ასლი;

ბ) სააპლიკაციო განცხადება (ჩამოტვირთეთ თანდართული ფორმა);

დ) დამოუკიდებელი საექიმო საქმიანობის ,,თერაპიული სტომატოლოგია“ ან ,,ორთოპედიული სტომატოლოგია“ სერტიფიკატის ნოტარიულად დამოწმებული ასლი;

ე) ავტობიოგრაფია (CV);

ვ) ფოტოსურათი (3x4) - 2 ცალი.

5. კონკურსანტის სააპლიკაციო განცხადება და დოკუმენტაცია წარმოდგენილი უნდა იქნეს 2026 წლის 22 ივლისიდან 28 ივლისის ჩათვლით, 10:00 სთ–დან 17:00 სთ–მდე პერიოდში (აპლიკანტი უფლებამოსილია შესავსები სააპლიკაციო განაცხადის ფორმა ჩამოტვირთოს ბსუ-ს ვებგვერდიდან, შეავსოს და წარმოადგინოს (გამოაგზავნოს) ელექტრონულად მისამართზე: info@bsu.edu.ge ან წარმოადგინოს მატერიალური სახით ბსუ-ს საქმისწარმოების სამსახურში (კანცელარია) შემდეგ მისამართზე: ქ. ბათუმი, ნინოშვილის ქ. №35, ბსუ-ს №1 კორპუსი, 1-ელი სართული, ოთახი №1).

6. საკონკურსო კომისიის მიერ აპლიკანტთა (კონკურსანტთა) შეფასება (გასაუბრება, საკონკურსო კომისიის გადაწყვეტილების შემთხვევაში - ასევე ტესტირება) – ჩატარდება 2026 წლის 29 ივლისს (ზუსტი დრო და ადგილი ეცნობება კონკურსანტებს ერთი დღით ადრე).

7. კონკურსის შედეგების გამოქვეყნება ბსუ-ს ვებგვერდზე (კონკურსანტთა ინფორმირება) – 2026 წლის 29 ივლისს.

8. გამარჯვებულ კონკურსანტებთან ხელშეკრულებების გაფორმება - 2026 წლის 30 ივლისი (გამარჯვებული კონკურსანტი ვალდებულია ხელშეკრულების გასაფორმებლად გამოცხადდეს ფაკულტეტის ადმინისტრაციის მიერ განსაზღვრულ დროს და ადგილზე და წარმოადგინოს საკონკურსო დოკუმენტაცია მატერიალური სახით).

9. პროგრამაზე ჩარიცხვის შესახებ ბსუ-ს რექტორის ბრძანება გამოიცემა გამარჯვებულ კონკურსანტებთან ხელშეკრულებების გაფორმების შემდეგ (არაუგვიანეს 2026 წლის 31 ივლისისა).

10. პროგრამაზე სასწავლო პროცესი დაიწყება 2026 წლის 3 აგვისტოს.

დეტალური ინფორმაცია იხილეთ შემდეგი დანართების სახით:

1.ბსუ-ს სარეზიდენტო პროგრამებზე ,,ორთოდონტია“, ,,ორთოპედიული სტომატოლოგია“, გადამზადების პროგრამა ,,ორთოპედიული სტომატოლოგია“, სუბსპეციალობის პროგრამა ,,პირის ღრუს ქირურგიული სტომატოლოგია’’.

მიღების გამოცხადების შესახებ ბსუ-ს რექტორის ბრძანებები (N 01-02/140; N 01-02/141; N 01-02/142; 20.07.2026 წ).

2. ბსუ-ს სარეზიდენტო პროგრამებზე ,,ორთოდონტია“, ,,ორთოპედიული სტომატოლოგია“ , გადამზადების პროგრამა ,,ორთოპედიული სტომატოლოგია“, სუბსპეციალობის პროგრამა ,,პირის ღრუს ქირურგიული სტომატოლოგია‘’ ჩარიცხვის მსურველის სააპლიკაციო განაცხადის ფორმა.