ბსუ-ს ტურიზმის ფაკულტეტის სტუდენტები მარიამ ბოლქვაძე და ზაურ მამულაძე 2019 წლის 01-28 აგვისტოს ჩეცინში, სილეზიის უნივერსიტეტის კამპუსში გამართულ 29-ე საერთაშორისო საზაფხულო სკოლაში იღებენ მონაწილეობას. ერთთვიანი პროგრამა მოიცავს როგორც პოლონური ენის კურსს, სემინარებს ქვეყნის ეკონომიკის, პოლიტიკის და კულტურის შესახებ, ასევე ექსკურსიებს, კონცერტებსა და პოეზიის საღამოებს. სტუდენტთა საერთაშორისო შეხვედრაზე ქართველმა სტუდენტებმა საქართველო ეროვნული ფოლკლორით წარმოადგინეს. საზაფხულო სკოლა ყოველწლიურად ტარდება და მასში 35 ქვეყნის პარტნიორი უნივერსიტეტიდან 250-მდე სტუმარი მონაწილეობს.