ბათუმის შოთა რუსთაველის სახელმწიფო უნივერსიტეტის ტურიზმის ფაკულტეტის ასისტენტ-პროფესორი ლელა დევაძე 11-15 მაისს ვიზიტით პოლონეთში, PANS w Krośnie-ის უნივერსიტეტში იმყოფებოდა.

ვიზიტის ფარგლებში ლელა დევაძემ პოლონელ სტუდენტებს ლექციები და ვორქშოფები ჩაუტარა ტურიზმის მდგრადი განვითარების და რესურსების რაციონალური გამოყენების მიმართულებებზე, რომლებიც ტურიზმის ფაკულტეტის ერთ-ერთ მთავარ პრიორიტეტს წარმოადგენს.

ვიზიტის განმავლობაში ასევე გაიმართა მნიშვნელოვანი სამუშაო შეხვედრები პოლონელ კოლეგებთან, რაც კიდევ უფრო შეუწყობს ხელს სამომავლო პარტნიორობის გაღრმავებასა და საერთაშორისო გაცვლითი პროგრამების განვითარებას.