პროფესორ რამაზ ხალვაშის წიგნი „დიგიტალური ჰუმანიტარიის შესავალი“. დიგიტალური (ციფრული)ჰუმანიტარია ახალი დარგია, რომელიც წარმოიქმნა კომპიუტერული ტექნოლოგიებისა და ჰუმანიტარული კვლევების სინთეზის შედეგად. წიგნი გამიზნულია დიგიტალური ჰუმანიტარიის საუნივერსიტეტო კურსებისათვის და აღნიშნული სფეროთი დაინტერესებული მკითხველისათვის.
სახელმძღვანელო „ეკოლოგიური ექსპერტიზა, აუდიტი, კონტროლი“. სახელმძღვანელოს ავტორები არიან პროფესორები: ნინო ლომთათიძე და ნარგიზ ალასანია. წარმოდგენილი სახელმძღვანელო სტუდენტებს მისცემს თეორიულ ცოდნას გარემოს ეკოლოგიური მონიტორინგის განხორციელების შესახებ, ჩამოუყალიბებს ეკოლოგიურ აზროვნებას, ნებისმიერი ეკოლოგიური ამოცანის გადაწყვეტისას.
ნიკო ბერძენიშვილის ინსტიტუტის კრებული „ სამხრეთ-დასავლეთ საქართველოს ისტორიისა და არქეოლოგიის საკითხები I(VI). კრებულში წარმოდგენილი სტატიები ეხება სამხრეთ-დასავლეთ საქართველოს ისტორიის,
არქეოლოგიის, ნუმიზმატიკისა და ეკოლოგიის პრობლემებს. კრებული საინტერესო იქნება არამარტო სპეციალისტ-ისტორიკოსთათვის, არამედ მკითხველთა ფართო წრისთვისაც.
ბიბლიოთეკას საჩუქრად გადმოეცა ბათუმის ნავიგაციის სასწავლო უნივერსიტეტის მიერ გამოცემული სახელმძღვანელო „მენეჯმენტი: ქეისები, ტრენინგები, საქმიანი თამაშები“. წიგნი განკუთვნილია უმაღლესი სასწავლებლების სტუდენტებისათვის, მასწავლებელთათვის, აგრეთვე მარკეტოლოგებისათვის, მენეჯერებისა და ეკონომისტებისათვის, და ყველა იმათთვის, ვისაც აინტერესებს მართვის საკითხები.
