ბსუ-ს მიერ 2021 წელს სამეცნიერო და საგანმანათლებლო ბაზების განახლებასთან დაკავშირებით ბიბლიოთეკის მიერ 2021 წლის 10 ნოემბერს ორგანიზებული და ჩატარებული იქნა ტრენინგი აკადემიური, მოწვეული პერსონალისა და სამაგისტრო/სადოქტორო პროგრამების სტუდენტებისათვის ბაზების გამოყენებასთან დაკავშირებით.
ტრენინგში მონაწილე პირებს მიეწოდათ ინფორმაცია ბსუ-ს ბიბლიოთეკაში ხელმისაწვდომი სამეცნიერო და საგანმანათლებლო ელექტრონული ბაზების შესახებ და დეტალურად იქნა განხილული სარგებლობის წესები.
დაინტერსებულმა პირებმა ბიბლიოთეკის წარმომადგენლებს აცნობეს ბაზების გამოყენებასთან დაკავშირებული პრობლემების და ხარვეზების შესახებ.

ბიბლიოთეკაში შემოვიდა კრებული „ფილოსოფიური და სოციალურ-პოლიტიკური კვლევები I”. კრებული მრავალფეროვანია და მასში განხილულია თანამედროვე ფილოსოფიის ისტორიის, ქართული ფილოსოფიის, ფსიქოლოგიის და რელიგიის ფილოსოფიის აქტუალური საკითხები.

ბიბლიოთეკაში შემოვიდა პროფესორ მერაბ ფუტკარაძის სახელმძღვანელო „მსოფლიოს რეგიონებისა და ქვეყნების საზოგადოებრივი გეოგრაფია“. სახელმძღვანელოში განხილულია მსოფლიოს რეგიონებისა და ქვეყნების საზოგადოებრივი გეოგრაფიის ძირითადი საკითხები, რეგიონებისა და ქვეყნების ბუნებრივი პირობები და რესურსები. იგი განკუთვნილია უმაღლესი სასწავლებლების ბაკალავრიატის გეოგრაფიისა და მომიჯნავე სპეციალობის სტუდენტებისათვის.

ბიბლიოთეკაში შემოვიდა პროფესორ ვარდო ბერიძის სახელმძღვანელო „მეცნიერების ფილოსოფია“. სახელმძღვანელო განკუთვნილია ფილოსოფიის მიმართულების სტუდენტებისა და ფილოსოფიის პრობლემატიკით დაინტერესებული მკითხველისათვის.

პროფესორმა ზაზა დავითაძემ ბიბლიოთეკას საჩუქრად გადმოსცა მისივე წიგნი „კომპიუტერის ელექტრონული და ლოგიკური საფუძვლები“.
წიგნში განხილულია ციფრული ელექტრონიკის და ლოგიკის ძირითადი საკითხები. წიგნი განკუთვნილია სტუდენტებისათვის და საკითხით დაინტერესებული მკითხველისათვის. იგი ჩართულია ბსუ-ს ბიბლიოთეკის ქსელში.