ბიომრავალფეროვნების საერთაშორისო დღესთან დაკავშირებით, ბსუ-ს ეზოს ფიტოპათოლოგიისა და ბიომრავალფეროვნების ინსტიტუტის მეცნიერების მიერ გამოყვანილი კოლხური ფლორის მერქნიანი სახეობის მუხის ხე შეემატა. კოლხური მუხის ნერგი ბსუ-ს რექტორმა, ტიტე აროშიძემ, მოადგილე თამარ სირაძესთან და ბსუ-ს მეცნიერთან, ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსთან, იზოლდა მაჭუტაძესთან ერთად დარგო.
ბათუმის შოთა რუსთაველის სახელმწიფო უნივერსიტეტის ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ თანამშრომელმა ირაკლი მიქელაძემ, უნივერსიტეტის მესამე მისიის ფარგლებში, შეხვედრა ჩაატარა ქვემო ახალშენის საჯარო სკოლაში და წაიკითხა საჯარო ლექცია.
ბრიუსელში, ევროპარლამენტში გამართულ მაღალი დონის შეხვედრაში მონაწილეობა მიიღეს ბსუ-ს ფიტოპათოლოგიისა და ბიომრავალფეროვნების ინსტიტუტის კოლხეთის ტორფნარებისა და წყლის ეკოსისტემების კონსერვაციის განყოფილების უფროსმა, Interreg NEXT შავი ზღვის აუზის პროგრამის გრანტის CARE SEA „თანამშრომლობა და ცნობიერების ამაღლება დაბინძურებისაგან თავისუფალი და ეკოლოგიურად სუფთა შავი ზღვისათვის“ კოორდინატორმა, იზოლდა მაჭუტაძემ და საბუნებისმეტყველო მეცნიერებათა და ჯანდაცვის ფაკულტეტის ბიოლოგიის დეპარტამენტის დოქტორანტმა, მარინა შაინიძემ.
მიმდინარე წლის 2 აპრილს ფიტოპათოლოგიისა და ბიომრავალფეროვნების ინსტიტუტის (ფბი) უფროსმა მეცნიერ თანამშრომელმა, ირაკლი მიქელაძემ, მესამე მისიის ფარგლებში სასკოლო სემინარი ჩაატარა ქ. ბათუმის №30 საჯარო სკოლაში. ირაკლი მიქელაძემ გააკეთა პრეზენტაცია თემებზე: „ბუნება ჩვენ გარშემო, მცენარეთა იდენტიფიკაცია, ადგილობრივი და უცხო წარმოშობის მცენარეები“. გარდა ამისა მომხსენებელმა მოსწავლეებს მიაწოდა ინფორმაცია, ფბი-ის სამეცნიერო კვლევითი საქმიანობის, მიღწევებისა და სამომავლო გეგმების შესახებ.
სასკოლო სემინარი ჩოხატაურის №1 საჯარო სკოლაში
მიმდინარე წლის 18 თებერვალს, ფიტოპათოლოგიისა და ბიომრავალფეროვნების ინსტიტუტის უფროსმა მეცნიერ თანამშრომელმა, ირაკლი მიქელაძემ მესამე მისიის ფარგლებში სასკოლო სემინარი ჩაატარა - ნიკო მარის სახელობის დაბა ჩოხატაურის №1 საჯარო სკოლაში. ირაკლი მიქელაძემ წარადგინა პრეზენტაცია თემაზე: „უცხო წარმოშობის ინვაზიური და სარეველა მცენარეები ფიტოცენოზებსა და აგროლანდშაფტებში, არსებული გამოწვევები და პრევენციის გზები“. მომხსენებელმა შეხვედრის მონაწილეებს გააცნო მცენარეთა ინვაზიის თავისებურებანი და ის ეკოლოგიური, ეკონომიკური და ადამიანის ჯანმრთელობის გამომწვევი პრობლემები, რაც ინვაზიური სახეობის ძირითადი განმსაზღვრელი კრიტერიუმებია. გარდა ამისა მკვლევარმა
