ბათუმის შოთა რუსთაველის სახელმწიფო უნივერსიტეტში საახალწლო კონცერტი გაიმართა. უმაღლესი საგანმანათლებლო დაწესებულების რექტორმა მერაბ ხალვაშმა სტუდენტებს დამდეგი ახალი წელი მიულოცა  და წარმატებები უსურვა. მაყურებლის წინაშე პირველად წარსდგა უნივერსიტეტის ვოკალურ-ინსტრუმენტული ბენდი ,,ბსუ’’. კონცერტში ასევე მონაწილეობდნენ მომღერლები: გიორგი ნაკაშიძე, თამარ ლაბაძე, ოთარ კუჭავა, უმაღლესი საგანმანათლებლო დაწესებულების გოგონათა ფოლკლორული ანსამბლი „თირინი“, მოსწავლე-ახალგაზრდობის სასახლის ბავშვთა ფოლკლორული  ანსამბლი „იბერიონი“ და  წმიდა მათატა მოციქულის გიმნაზია-პანსიონის ბენდი „კალანდა“.