სოციალურ მეცნიერებათა, ბიზნესის და სამართალმცოდნეობის ფაკულტეტის ,,მენეჯმენტის“ სპეციალობის II კურსის სტუდენტებმა ასოცირებული პროფესორის ირმა ჩხაიძის ხელმძღვანელობით სასწავლო კურსის ,,პროექტების მართვა“ ფარგლებში პროექტები შეიმუშავეს. პროექტები მიზნად ისახავდა ჯგუფური მუშაობის პრინციპებისა და მენეჯერული უნარ-ჩვევების ჩამოყალიბებას. სამი თვის განმავლობაში ახალგაზრდები ახორციელებდნენ ისეთ პროგრამებს, როგორიცაა: ,,ბსუ-ს ბიბლიოთეკის აღწერა’’ (სტუდენტები: თ. ხარჭამაძე, რ.მახარაძე, ი.უმეთაძე, ს.ტაბიძე), ,,ლეიკემიით დაავადებულ ბავშვთა დახმარება“, (სტუდენტები: ი.კორძაია, ს.კვირიკიძე, მ.დუმბაძე, ნ.ვაშაყმაძე, ქ.ირემაძე), ,,სტუდენტური დასაქმება“ (სტუდენტები: ს.კეკელიძე, ჯ.დუმბაძე, ნ.რომანაძე, დ.მამულაძე, თ.დიდიძე).

აჭარის ავტონომიური რესპუბლიკის უმაღლესმა საბჭომ და ავტონომიური რესპუბლიკის ახალგაზრდულმა უმაღლესმა საბჭომ თანამშრომლობის მემორანდუმი გააფორმა. ხელშეკრულება ითვალისწინებს საკანონმდებლო კუთხით განსახორციელებელი საქმიანობის მხარდაჭერასა და ერთობლივი პროექტების განხორციელებას. ახალგაზრდული უმაღლესი საბჭოს წევრები ძირითადად ბათუმის შოთა რუსთაველის სახელმწიფო უნივერსიტეტის სამართალმცოდნეობის სპეციალობის სტუდენტები არიან.

ბათუმის შოთა რუსთაველის სახელმწიფო უნივერსიტეტის სამართალმცოდნეობის სპეციალობის III კურსის სტუდენტი მარია ძიძიგური „Erasmus Mundus”-ის გაცვლითი პროგრამის გამარჯვებულია. მომავალი სამართალმცოდნე ერთი წლის განმავლობაში პოლონეთის „Adam Mickiewitcz“-ის სახელმწიფო უნივერსიტეტის საერთაშორისო სამართლის ფაკულტეტზე ისწავლის. ვულოცავთ მარიამ ძიძიგურს გამარჯვებას და ვუსურვებთ წარმატებებს.

ქუთაისში, საქართველოს პარლამენტში ,,საქართველოს ახალგაზრდული პარლამენტის" გახსნასთან ერთად ,,აჭარის ახალგაზრდული უმაღლესი საბჭოს" გახსნის ცერემონიაც გაიმართა, რომლის ერთერთი დამფუძნებელი სამართალმცოდნეობის სეციალობის მე-3 კურსის სტუდენტი გიგა ფარტენაძეა, ვულოცავთ ახალგაზრდებს ამ მნიშვნელოვან მოვლენას და ვუსურვებთ აქტუალური საკანონმდებლო წინადადებების შემუშავებას აჭარის უმაღლესი საბჭოსთვის.

სოციალურ მეცნიერებათა, ბიზნესისა და სამართალმცოდნეობის ფაკულტეტის ასოცირებულმა პროფესორმა მურმან ცეცხლაძემ, საინფორმაციო ტექნოლოგიებისა და კომუნიკაციების სამსახურის მთავარმა სპეციალისტმა ზვიად ბერაძემ, სტუდენტებმა: ომარ ტაკიძემ, ლანა ბურკაძემ, ანა მჟავანაძემ საერთაშორისო სამეცნიერო-პრაქტიკულ კონფერენციაში - „ცივილური საბაზრო ურთიერთობების ჩამოყალიბება და განვითარების მთავარი მიმართულებები“ მიიღეს მონაწილეობა. ბაქოში გამართული ორდღიანი კონფერენცია მიზნად ისახავდა საბაზრო ეკონომიკის განვითარების პროცესში არსებული პრობლემებისა და მათი დაძლევის გზების განხილვას. ასოცირებულმა პროფესორმა მურმან ცეცხლაძემ მოხსენება წაიკითხა თემაზე: „დიდი აბრეშუმის გზა და კავკასია“. კომპეტენტურმა ჟიურიმ ფინანსები, დაზღვევა და საბანკო საქმის სპეციალობის IV კურსის სტუდენტ ომარ ტაკიძის ნაშრომი მოხსენება „საქართველო აზერბაიჯანის სავაჭრო-ეკონომიკური ურთიერთობები და მათი გავლენა გლობალურ ეკონომიკაზე“ საუკეთესოდ დაასახელა და პირველი ხარისხის დიპლომით დააჯილდოვა.