სოციალურ და პოლიტიკურ მეცნიერებათა ფაკულტეტი

ბსუ-ში ბათუმის III საზაფხულო უნივერსიტეტი გაიხსნა

სურათი

ბათუმის III საზაფხულო უნივერსიტეტი გაიხსნა ბათუმის შოთა რუსთაველის სახელმწიფო უნივერსიტეტში თემაზე: „საერთაშორისო უსაფრთხოება და ბირთვული გაუვრცელებლობა: თეორიები, დისკურსიები და მიმდინარე პროცესები“. სწავლება მიზნად ისახავს პროფესორ-მასწავლებლების, სტუდენტების,  საჯარო და სამოქალაქო სექტორის წარმომადგნლების კომპეტენციის ამაღლებას საერთაშორისო უსაფრთხოებისა და ბირთვული გაუვრცელებლობის, უსაფრთხოების სექტორის დემოკრატიული ზედამხედველობის განხორციელების მექანიზმების საკითხებში. ბსუ-ს პროფესორ-მასწავლებლები, არასამთავრობო ორგანიზაციის სამოქალაქო საბჭოს და ამერიკის შეერთებული შტატების წარმომადგენლები მოხსენებებს წარმოადგენენ საერთაშორისო უსაფრთხოების აქტუალურ საკითხებზე.

ორი დღის განმავლობაში ბათუმის შოთა რუსთველის სახელმწიფო უნივერსიტეტის პროფესორ-მასწვალებელები, სტუდენტები, საჯარო და სამოქალაქო სექტორის წარმომადგნელები გაეცნობიან ისეთ მნიშვნელოვან თემებს, როგორიცაა: „ევროკავშირის უსაფრთხოების პოლიტიკა, როგორც საერთაშორისო უსაფრთხოების სისტემის ახალი განზომილება (მითი თუ რეალობა)“, „ბირთვული ტერორიზმის საფრთხე, როგორც ახალი გლობალური გამოწვევა“. საზაფხულო უნივერსიტეტის ფარგლებში ასევე განხილული იქნება შემდეგი საკითხები: „ჩრდილოეთ კორეის ბირთვული პროგრამა და წამყვანი სახელმწიფოს პოზიციები“, „სტრატეგიული პროდუქციით ვაჭრობის გზამკვლევის პრეზენტაცია, დემოკრატიული მმართველობა და უსაფრთხოების სექტორის დემოკრატიული ზედამხედველობა“.


ღონისძიება პროექტის „ბათუმის საზაფხულო უნივერსიტეტი” ფარგლებში ბათუმის შოთა რუსთაველის სახელმწიფო უნივერსიტეტის პარტნიორობით, თავდაცვისა და უსაფრთხოების საკითხებში სამოქალაქო საბჭოს (თბილისი, საქართველო) ორგანიზებით და შვედეთის საგარეო საქმეთა სამინისტროსა და შვედეთის რადიაციული საფრთხოების სააგენტოს მხარდაჭერით ტარდება.


უკან

საკონტაქტო ინფორმაცია

საქართველო, ბათუმი, 6010
რუსთაველის/ნინოშვილის ქ. 32/35
ტელ: +995(422) 27–17–80
ფაქსი: +995(422) 27–17–87
ელ. ფოსტა: info@bsu.edu.ge
     

სიახლის გამოწერა