პროგრამა «Eugen Ionescu» აცხადებს საშუალებას უცხოელ დოქტორანტებსა და პოსტდოქტორანტებს მოიპოვონ სტიპენდია და გაიარონ კვლევითი სტაჟირება რუმინეთში, ფრანკოფონიის წევრ უმაღლეს სასწავლებლებში. განაცხადები მიიღება 2018 წლის 14 სექტემბრიდან 4 ნოემბრამდე.

ზამთრის სკოლა იტალიაში „Spatial Productivity for Regional and Local Development“ ევროპის რეგიონალური სამეცნიერო ასოციაცია და ეკონომიკური თანამშრომლობისა და განვითარების ორგანიზაცია მართავს მეორე ზამთრის სკოლას იტალიაში, ტრენტოში 2019 წლის 21- 25 იანვარს. ზამთრის სკოლაში მონაწილეობის მსურველები უნდა იყვნენ დოქტორანტები ან ახალგაზრდა მკვლევარები.

ბსუ-ს სამეცნიერო კვლევების სამსახურის უფროსი თამარ მაჭუტაძე პროგრამა ერასმუს+ის ფარგლებში საფრანგეთში, მონპელიეს უნივერსიტეტის სამეცნიერო კვლევებისა და დოქტორანტურის მართვის დეპარტამენტში იმყოფებოდა. ერთკვირიანი ვიზიტი მიზნად ისახავდა მონპელიეს უნივერსიტეტის სამეცნიერო კვლევების დეპარტამენტისა და დოქტორანტურის მართვის სამსახურების გამოცდილების გაზიარებას. თამარ მაჭუტაძე პროგრამის ფარგლებში შეხვდა პრორექტორს სამეცნიერო მიმართულებით ჯაკ მეღსიეს, სამეცნიერო კვლევების დეპარტამენტის უფროსს ან ბანსელს და დეპარტამენტის სამსახურების წარმომადგენლებს. შეხვედრები გაიმართა ასევე სამართლის სადოქტორო სკოლის დირექტორთან, ბიოლოგიისა და ქიმიის სადოქტორო სკოლის დირექტორთან, ბიბლიოთეკის დირექტორთან და უნივერსიტეტის კულტურული მემკვიდრეობის სამსახურის უფროსთან.

შოთა რუსთაველის ეროვნული სამეცნიერო ფონდი აცხადებს 2018 წლის დოქტორანტურის საგანმანათლებლო პროგრამების გრანტით დაფინანსების კონკურსს (PHDF). კონკურსის მიზანია წარმატებული, ნიჭიერი ახალგაზრდა მკვლევარების გამოვლენა და მათი სადოქტორო კვლევების თანამედროვე საერთაშორისო სტანდარტებთან შესაბამისობაში განხორციელების ხელშეწყობა. პროექტი ასევე ითვალისწინებს ახალგაზრდა ქართველ მეცნიერთა საერთაშორისო კვლევით პროექტებში ინტეგრირებას, საქართველოში სამეცნიერო კვლევების ხარისხის ზრდას და ახალგაზრდა მეცნიერთა სამეცნიერო კვლევისათვის სათანადო პირობების შექმნას.

2018 წლის 18-19 მაისს აკაკი წერეთლის სახელმწიფო უნივერსიტეტში გაიმართება სტუდენტთა პირველი საერთაშორისო სამეცნიერო-პრაქტიკული კონფერენცია "ბიზნესის განვითარების ეკონომიკური, სოციალური და სამართლებრივი პრობლემების რეგიონული ასპექტები".