ბუღალტრული აღრიცხვის აუთსორსინგი გულისხმობს კომპანიის ფინანსური და ბუღალტრული ამოცანების მესამე მხარის მომსახურების მიმწოდებლისთვის დელეგირებას. ამ პრაქტიკას შეუძლია მრავალი სარგებელი მოიტანოს, მათ შორის ხარჯების შემცირება, სპეციალიზებულ ექსპერტიზაზე წვდომა და ფინანსური ანგარიშგების ხარისხის გაუმჯობესება. თუმცა, ის ასევე წარმოადგენს პოტენციურ რისკებს, როგორიცაა კომუნიკაციის სირთულეები, მონაცემთა უსაფრთხოების საკითხები და კონტროლის დაკარგვა.წინამდებარე თემის აქტუალობა განისაზღვრება საქართველოში ბუღალტრული აღრიცხვის აუთსორსინგის გამოყენების ეკონომიკური სარგებლის განხილვის აუცილებლობით. კვლევის მიზანია საწარმოს ბუღალტრული აღრიცხვის ფუნქციების სპეციალიზებული კომპანიისთვის დელეგირების ძირითადი უპირატესობების ანალიზი, ასევე აუთსორსინგის ეკონომიკური მიზანშეწონილობის დამტკიცება. მეთოდოლოგიური მიდგომის საფუძველია: აუთსორსინგის დონის შესახებ მონაცემების ანალიზი, შედარების მეთოდი, განზოგადების მეთოდი. სტატია ავლენს აუთსორსინგის არსს, ტიპებს, ძირითად უპირატესობებსა და ნაკლოვანებებს და ადარებს სამუშაო ადგილის ორგანიზებისა და ანაზღაურების თავისებურებებს სრული განაკვეთით დასაქმებულთა და აუთსორსინგის კომპანიებისთვის. აშშ-ს, გერმანიისა და სხვა ევროპული ქვეყნების წინა გამოცდილებიდან გამომდინარე, გამოიყო საქართველოში ბუღალტრული აღრიცხვის აუთსორსინგის გამოყენების გზები,.კვლევის მსვლელობისას, შედარდა საწარმოს ბუღალტრული აღრიცხვის განყოფილების შენარჩუნებისა და აუთსორსინგის კომპანიის მომსახურების საფასურის გადახდის ხარჯების მოცულობები და განისაზღვრა ბუღალტრული აღრიცხვის აუთსორსინგის გამოყენებით მიღებული ეკონომიკური სარგებელი, კვლევის შედეგები იძლევა რეკომენდაციებს საქართველოში ბუღალტრული აღრიცხვის აუთსორსინგის გამოყენების პრაქტიკის გაფართოების შესახებ კერძოდ:შეტანილი იქნეს დამატებები და ცვლილებები ბუღალტრული აღრიცხვის შესახებ მოქმედ მარეგულირებელ სამართლებრივ აქტებში, რომლებიც დაარეგულირებს ბუღალტრული აღრიცხვის მომსახურების აუთსორსინგის ორგანიზებას და განხორციელებას, მათ შორის; დააწესებს კონკრეტულ პასუხისმგებლობას ბუღალტრული აღრიცხვის ორგანიზებასა და წარმოებაზე, ფინანსური ანგარიშგების სანდოობაზე, გაანგარიშების სისწორესა და გადასახადების გადახდის დროულობაზე; აუთსორსინგის საბუღალტრო მომსახურების ხარისხის გასაუმჯობესებლად, დადგენილი იქნება, რომ კლიენტების აღრიცხვა აუთსორსინგის საფუძველზე შეიძლება განხორციელდეს მხოლოდ იმ ბუღალტერების მიერ, რომლებმაც მიიღეს პროფესიული ბუღალტერიის სერტიფიკატი;უზრუნველყოს ბუღალტრული აღრიცხვის მომსახურების აუთსორსინგთან დაკავშირებული საქმიანობის სავალდებულო დაზღვევა; აუთსორსინგის მნიშვნელობისა და მისი შემდგომი განვითარების პერსპექტივების გათვალისწინებით, შესაძლებელია შეიქმნას აუთსორსინგის საჯარო ასოციაცია.
| უკან |
