აბსტრაქტი
ურთიერთქმედება მნიშვნელოვან როლს ასრულებს ინგლისურის, როგორც უცხო ენის (EFL) ეფექტიან სწავლა-სწავლებაში, ვინაიდან ის მოსწავლეებს სთავაზობს ენობრივი უნარების პრაქტიკაში გამოყენებისა და მნიშვნელობის შეთანხმების რეალურ შესაძლებლობებს. წინამდებარე სტატია მიმოიხილავს საკლასო ურთიერთქმედების ხელშეწყობის მნიშვნელობას EFL კონტექსტში, განსაკუთრებული აქცენტით იმ პედაგოგიურ პრაქტიკებზე, რომლებიც ხელს უწყობს სტუდენტების აქტიურ ჩართულობას სასწავლო პროცესში. კვლევის მიზანია გამოიკვლიოს, თუ როგორ უწყობს ხელს სტუდენტების მეტყველების წახალისება, მასწავლებლის ზედმეტი საუბრის დროის შემცირება და სტუდენტთა პასუხების დაუყოვნებელი შეფასებისგან თავის შეკავება უფრო ინტერაქციული და სტუდენტზე ორიენტირებული საკლასო გარემოს ჩამოყალიბებას.
კვლევაში გამოყენებულია თვისებრივი კვლევის დიზაინი, რომელიც ეფუძნება EFL საკლასო გარემოში ჩატარებულ დაკვირვებებსა და რეფლექსიურ პედაგოგიურ პრაქტიკას. მონაცემები შეგროვდა საკლასო ურთიერთქმედების მოდელების სისტემური დაკვირვებისა და მასწავლებელსა და სტუდენტებს შორის დისკურსის ანალიზის გზით.
კვლევის შედეგები აჩვენებს, რომ იმ შემთხვევაში, როდესაც მასწავლებლები ქმნიან სივრცეს სტუდენტთა მეტყველებისთვის, ზღუდავენ გადამეტებულ ახსნა-განმარტებებს და აძლევენ შემსწავლელებს დროით რესურსს პასუხებზე დაფიქრებისა და თვითკორექციისთვის, სტუდენტები ხდებიან უფრო თავდაჯერებულები და მეტად ჩართულები საკლასო ურთიერთქმედებაში. ამასთანავე, აღნიშნული პრაქტიკები ხელს უწყობს შემსწავლელთა ავტონომიის ზრდას, კომუნიკაციური კომპეტენციის გაუმჯობესებას და მონაწილეობის მზაობის გაძლიერებას.
კვლევა ასკვნის, რომ აღნიშნული სტრატეგიების მეშვეობით ურთიერთქმედების ხელშეწყობა აუცილებელია ეფექტიანი EFL სასწავლო გარემოს შექმნისთვის და რეკომენდაციას უწევს მასწავლებლებს, დანერგონ ურთიერთქმედებაზე ორიენტირებული მიდგომები სტუდენტთა ჩართულობისა და ენობრივი განვითარების მაქსიმალიზაციის მიზნით.
საკვანძო სიტყვები: EFL საკლასო ურთიერთქმედება, სტუდენტზე ორიენტირებული სწავლება, სტუდენტთა სასაუბრო დრო, მასწავლებლის სასაუბრო დროის შემცირება, კომუნიკაციური კომპეტენცია
| უკან |
