2020 წლის 17-18 ნოემბერს, ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებულმა პროფესორმა მალხაზ ნაკაშიძემ მონაწილეობა მიიღო ავსტრიის გრაცის უნივერსიტეტის იურიდიული ფაკულტეტის და ისრაელის ჰარი რაძინერის სამართლის სკოლის მიერ ორგანიზებულ საერთაშორისო კონფერენციაში “საკონსტიტუციო სასამართლოები, საკონსტიტუციო კონტროლი და მის ფარგლებს გარეთ“. კონფერენციაზე მალხაზ ნაკაშიძემ წარადგინა მოხსენება თემაზე „საკონსტიტუციო სასამართლო და პოლიტიკა საქართველოში“. დამატებითი ინფორმაციისთვის გთხოვთ ეწვიოთ ვებგვერდს.

2020 წლის 26 ნოემბერს ბათუმის შოთა რუსთაველის სახელმწიფო უნივერსიტეტის იურიდიული და სოციალურ მეცნიერებათა ფაკულტეტის ასოცირებულმა პროფესორმა, ჟან მონეს კათედრის ხელმძღვანელმა მალხაზ ნაკაშიძემ მონაწილეობა მიიღო ევროკომისიის განათლების, აუდიოვიზუალური და კულტურის აღმასრულებელ სააგენტოს მიერ ორგანიზებულ შეხვედრაში „Jean Monnet Activities - Kick Off meeting 2020“, რომელშიც მონაწილეობდნენ ჟან მონეს პროგრამის 2020 წლის გამარჯვებული პროექტების ხელმძღვანელები მსოფლიოს სხვადასხვა ქვეყნიდან.

ბათუმის შოთა რუსთაველის სახელმწიფო უნივერსიტეტის სტუდენტებისათვის, გენოციდის ჰოლოკოსტისა და შეიარაღებული კონფლიქტების სასწავლო ცენტრისა და სამოქალაქო განათლების ცენტრის მიერ ორგანიზებული - „გენოციდის შესახებ ცნობიერების ამაღლების კვირეულის“ ფარგლებში გაიმართა საჯარო ლექცია თემაზე: გენოციდი: The Crime of Crimes. საჯარო ლექციაზე განხილული იყო გენოციდის, როგორც საერთაშორისო დანაშაულის ისტორიული განვითარების ეტაპები, გაერთიანებული ერების ორგანიზაციის მიერ 1948 წლის 9 დეკემბერს მიღებული „გენოციდის დანაშაულის თავიდან აცილებისა და დასჯის შესახებ“ კონვენციის შექმნის ისტორიული წინაპირობები და გამომწვევი მიზეზები.

„ERASMUS+“-ის პროექტის "MEDIATS: Training and Society Transformation" ფარგლებში და ბათუმის შოთა რუსთაველის სახელმწიფო უნივერსიტეტისა და ილიას სახელმწიფო უნივერსიტეტის ორგანიზებით სტუდენტებისა და მედიაციის ინსტიტუტით დაინტერესებული პირებისათვის გაიმართა საჯარო ლექცია თემაზე: „მედიაცია – დავის გადაწყვეტის ალტერნატიული მექანიზმი საქართველოში". ლექციას წარუძღვნენ საქართველოს მედიატორთა ასოციაციის თავმჯდომარე, მედიატორი ირაკლი ყანდაშვილი და Centre for Effective Dispute Resolution (CEDR)-ის მიერ აკრედიტირებული საერთაშორისო მედიატორი ლაშა კალანდაძე.

ბსუ-ს იურიდიული და სოციალურ მეცნიერებათა ფაკულტეტის პროფესორ-მასწავლებელთა მონაწილეობით, ადამიანის უფლებათა და ანტიდისკრიმინაციული სამართლის სწავლების საკითხებზე დისკუსია გაიმართა. შეხვედრა ფაკულტეტზე პროექტის ფარგლებში შედგა, რომელსაც უძღვებოდნენ: პროექტის კოორდინატორი, ბსუ-ს ასოცირებული პროფესორი მალხაზ ნაკაშიძე, ბსუ-ს იურიდიული და სოციალურ მეცნიერებათა ფაკულტეტის დეკანი ლევან ჯაყელი, საბაუნის რექტორი ვაჟა ვარდიძე, საბაუნის რექტორის მოადგილე დიმიტრი გეგენავა და საბაუნის სამართლის ფაკულტეტის დეკანი გიორგი გორაძე.