„ჰორიზონტი ევროპა“ ევროკომისიის მხარდაჭერით მკვლევრებსა და ინოვატორებს იწვევს კოლაბორაციული კვლევითი პროექტების წერისა და ინდივიდუალური საექსპერტო კონსულტაციების სამდღიან ბანაკში მონაწილეობის მისაღებად. ბანაკი გაიმართება საერთაშორისო ექსპერტების ჩართულობით და ხელს შეუწყობს საქართველოს წარმომადგენლების მიერ მაღალი ხარისხის საპროექტო წინადადებების მომზადებასა და ევროკავშირის კვლევისა და ინოვაციების ქსელებში მათ ინტეგრაციას.