რსუ შოთა რუსთაველის დარბაზში გაიმართა შეხვდრა აჭარის ავტონომიური რესპუბლიკის უმაღლესი საბჭოს დეპუტატებთან. შეხვედრაზე რექტორმა, პროფესორმა ალიოშა ბაკურიძემ რესპუბლიკის კანონმდებლებს უნივერსიტეტის საგანმანათლებლო პროგრამები გააცნო და მიზნობრივი სამაგისტრო პროექტების განხორციელება შესთავაზა.
საგანმანათლებლო პროგრამებზე, სერვისებზე, უცხოეთთან ურთიერთობების გამოცდილებასა და სტუდენტურ ცხოვრებაზე ესაუბრნენ უნივერსიტეტის რექტორი და პროფესორ-მასწავლებლები მეთორმეტე კლასელებს შეხვედრაზე, რომელიც ქობულეთის N-2 საჯარო სკოლაში შედგა. გადაწყდა, რომ უნივერსიტეტის პროფესორები სამომავლოდ საინფორმაციო ხასიათის ლექციებს ჩაატარებენ რაიონის ყველა საგანმანათლებლო სკოლებში.
უნივერსიტეტის წარდგენა-პრეზენტაცია გაიმართა ოზურგეთისა და ჩოხატაურის რაიონების ზოგადსაგანმანათლებლო სკოლების მეთორმეტე კლასელებისთვის. უმაღლესი სასწავლებლის პროფესორ-მასწავლებლებმა მომავალ სტუდენტებს ბათუმის უნივერსიტეტში სწავლების პირობები გააცნეს და მათ მიერ დასმულ კითხვებს უპასუხეს.
რსუ ბიზნესის სკოლა (BBS) გერმანიის ტექნიკური თანამშრომლობის საზოგადოების (GTZ) ფინანსური მხარდაჭერით და გერმანული კომპანია CIWI-ს ხელშეწყობით არასამათავრობო და საჯარო ორგანიზაციებისთვის, აგრეთვე მცირე და საშუალო ბიზნესის წარმომადგენლებისთვის ატარებს ტრენინგს ბიზნეს-ინტეგრირებულ ფინანსურ და საპროექტო მენეჯმენტში.
მიმდინარე სასწავლო წელს უნივერსიტეტში პირველად სტუდენტებმა სემესტრული გამოცდები განსხვავებული წესით - საგამოცდო ცენტში ჩააბარეს. ახალი სისტემით პროფესორ-მასწავლებლები გათავისუფლდნენ ინდივიდუალური გამოცდებისაგან, თავიანთ საგნებში მათ დაახლოებით 500-მდე ტესტური შეკითხვა მოამზადეს, საიდანაც სტუდენტებს კომპიუტერის მიერ ავტომატურად შერჩეულ ორმოც კითხვაზე მოუხდათ პასუხის გაცემა (ერთი სწორი პასუხი - ერთი ქულა). საბოლოო შეფასება მათ მიმდინარე შეფასებებისა და საგამოცდო ქულების ჯამის შედეგად გამოუვლინდათ.
