ახალი ამბები

ბათუმის შოთა რუსთაველის სახელმწიფო უნივერსიტეტის აგრარული ექსტენციის ცენტრი აქტიურად აგრძელებს საგანმანათლებლო ინიციატივებს და სკოლის მოსწავლეებისთვის პროექტ „ნორჩ აგრონომს“ ახორციელებს. პროექტის მთავარი მიზანია მოსწავლეებში აგრარული დარგის პოპულარიზაცია და ცნობიერების ამაღლება. ბსუ-ს რექტორი ტიტე აროშიძე პროექტის ერთ-ერთ მონაწილე ბათუმის №25 საჯარო სკოლის აგროკლუბის მოსწავლეებს აკადემიურ პერსონალთან ერთად შეხვდა. ახალგაზრდებს პროფესიის არჩევაზე და აგრარული მიმართულების მნიშვნელობაზე ესაუბრა და მოსწავლეებთან ერთად ბსუ-ს სადემონსტრაციო სათბურში პომიდვრის ჩითილების დარგვის ღონისძიებაში მიიღო მონაწილეობა.

ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის მკვლევრებმა სტამბოლის ქართულ სავანეში მსოფლიო ლიტერატურის უძველესი ძეგლის „გილგამეშიანის" („გილგამეშის ეპოსი") უნიკალური ქართული ხელნაწერი აღმოაჩინეს.

ბათუმის შოთა რუსთაველის სახელმწიფო უნივერსიტეტს გაეროს ბავშვთა ფონდის (UNICEF) ახალი წარმომადგენელი საქართველოში, იზაბელა კასტროჯოვანი და ფონდის კომუნიკაციის პროგრამის ხელმძღვანელი, მაია ქურციკიძე ეწვივნენ.

ბათუმის შოთა რუსთაველის სახელმწიფო უნივერსიტეტმა ერგეს საჯარო სკოლის „ახალგაზრდა აღმომჩენთა კლუბის“ წევრებს უმასპინძლა. ვიზიტი მიზნად ისახავდა უნივერსიტეტისა და საბუნებისმეტყველო მეცნიერებათა და ჯანდაცვის ფაკულტეტის სასწავლო გარემოს გაცნობას. კლუბის წევრებს რექტორის მოადგილე თამარ სირაძე შეხვდა, ახალგაზრდებს უნივერსიტეტის ისტორია, საგანმანათლებლო პროგრამები და სტუდენტური შესაძლებლობები გააცნო. შემეცნებითი ტურის ფარგლებში მოსწავლეებმა დაათვალიერეს უნივერსიტეტის ბიბლიოთეკა, საბუნებისმეტყველო მიმართულების სასწავლო სივრცეები და ლაბორატორიები.

ბათუმის შოთა რუსთაველის სახელმწიფო უნივერსიტეტში, აგრარული მიმართულების მაღალი აკადემიური მოსწრების მქონე სამ სტუდენტს გადაეცა უნივერსიტეტის ემერიტუსის, აკადემიკოს რეზო ჯაბნიძის სახელობის სტიპენდია. ღონისძიება გახსნა უნივერსიტეტის რექტორმა, ტიტე აროშიძემ, რომელმაც მისასალმებელ სიტყვაში ხაზი გაუსვა აკადემიკოს რეზო ჯაბნიძის დამსახურებას აგრარული მეცნიერების განვითარებასა და აჭარაში აგრარული მიმართულებით ახალგაზრდა კადრების მომზადების საქმეში.