ახალი ამბები

თურქეთის რესპუბლიკის მთავრობამ საქართველოს მოქალაქეებისთვის 2009-2010 სასწავლო წლისთვის გამოყო 8 სტიპენდია მაძიებლის პროგრამაზე. თურქეთის რესპუბლიკის მთავრობა აფინანსებს სწავლას, სტუდენტურ საერთო საცხოვრებელს და სამედიცინო დაზღვევას.

გამოცდებისა და შეფასების ეროვნული ცენტრის დირექტორმა მაია მიმინოშვილმა შოთა რუსთველის სახელმწიფო უნივერსიტეტის პროფესორ-მასწავლებლებსა და ბაკალავრიატის საგანმანათლებლო პროგრამების დამამთავრებელი კურსის სტუდენტებს საერთო სამაგისტრო გამოცდის ჩაბარების ინსტრუქცია გააცნო. 2009-2010 სასწავლო წლიდან განათლებისა და მეცნიერების სამინსტრო სამაგისტრო პროგრამების დაფინანსებას იწყებს.

"გელათის მეცნიერებათა აკადემია" და "კულტურული ინტეგრაციის ცენტრი" გაცნობებთ, რომ "გელათის მეცნიერებათა აკადემია" და "კულტურული ინტეგრაციის ცენტრი" აწყობს ახალგაზრდა მეცნიერთა საერთაშორისო სამეცნიერო კონფერენციას, რომელშიც მონაწილეობას მიიღებენ არა მარტო საქართველოს, არამედ - სხვა ქვეყნების უმაღლესი სასწავლებლების ბაკალავრები, მაგისტრები და დოქტორები.

რუმინეთის მთავრობამ უცხო ქვეყნის მოქალაქეებისათვის 2009-2010 სასწავლო წლისთვის გამოყო სტიპენდია საბაკალავრო, სამაგისტრო და სადოქტორო პროგრამებზე. რუმინეთის მთავრობის მიერ შემოთავაზებული სტიპენდია მოიცავს რუმინეთში სწავლის გადასახადს და ცხოვრების ხარჯებს. პირად და საერთაშორისო მგზავრობის ხარჯს ფარავს სტიპენდიანტი.

საქართველოს პრეზიდენტი მიხეილ სააკაშვილი შოთა რუსთაველის დარბაზში უმაღლესი სასწავლებლის აკადემიურ პერსონალსა და საჯარო სკოლების მასწავლებლებს შეხვდა. ქვეყნის პირველმა პირმა შეხვერაზე ზოგადსაგანმანათლებლო სფეროში მიმდინარე რეფორმების შედეგებზე ისაუბრა და წარჩინებულ მასწავლებლებს პრეზიდენტის სახელობის სტიპენდიები გადასცა.