კონკურსები

შოთა რუსთაველის საქართველოს ეროვნული სამეცნიერო ფონდი აცხადებს 2023 წლის ფუნდამენტური კვლევებისათვის სახელმწიფო სამეცნიერო საგრანტო კონკურსს. კონკურსის მიზანია ახალი ცოდნის შექმნა, ახალი იდეებისა და კონცეფციების, მოვლენებისა და ფაქტების, თეორიებისა და მოდელების თეორიულ და ექსპერიმენტულ შესწავლა-ანალიზი, რაც გრძელვადიან პერსპექტივაში ხელს შეუწყობს ქვეყანაში სოციალურ-პოლიტიკურ, ეკონომიკურ, საზოგადოებრივ, კულტურულ და საინფორმაციო-ტექნოლოგიურ პროგრესს.

ჰარვარდის დევისის ცენტრის ქართველოლოგიის პროგრამის ფარგლებში გამოცხადებულია უმცროსი მეცნიერ-თანამშრომელთათვის განკუთვნილი კონკურსი, ასევე მოკლევადიანი საგრანტო და სამეცნიერო-კვლევითი საგრანტო კონკურსები. აღნიშნულ სასტიპენდიო კონკურსებში მონაწილეობა შეუძლიათ საქართველოში ავტორიზებულ უმაღლესი საგანმანათლებლო დაწესებულებში მოღვაწე მეცნიერ-მკვლევრებს. კონკურსში საბუთების წარდგენის ბოლო ვადაა 2023 წლის 25 თებერვლამდე.

აჭარის ა.რ. განათლების, კულტურისა და სპორტის სამინისტრო ახორციელებს "აჭარის ავტონომიური რესპუბლიკის 2023 წლის რესპუბლიკური ბიუჯეტის შესახებ" აჭარის ავტონომიური რესპუბლიკის კანონით დამტკიცებული "პროფესიული და უმაღლესი განათლება" პროგრამის "უმაღლესი განათლების ხელშეწყობა" ქვეპროგრამას, რომლის ფარგლებშიც გათვალისწინებულია სეზონური სკოლისა და კონფერენციის მოწყობა, საერთაშორისო სამეცნიერო ღონისძიებებში მონაწილეობა და ახალგაზრდა მეცნიერთა მხარდაჭერა.

გამოცხადდა კონკურსი 2023 წლის 1 მარტიდან 2023 წლის 30 დეკემბრამდე პერიოდში უცხოეთში გასამართ სამეცნიერო ღონისძიებებში (კონფერენციები, სემინარები, კონგრესი, ფორუმები) მონაწილეობისათვის ბსუ-ს ბიუჯეტიდან დაფინანსების მიმღები ბსუ-ს აკადემიური და სამეცნიერო პერსონალის გამოვლენისათვის.

აჭარის განათლების, კულტურისა და სპორტის სამინისტრო უმაღლესი განათლების ხელშეწყობის პროგრამის ფარგლებში, ახალგაზრდა მეცნიერების მხარდაჭერის მიზნით კონკურსს აცხადებს. კონკურსში მონაწილეობის უფლება აქვთ დოქტორანტებს, რომლებიც განაცხადის წარდგენის პერიოდში სწავლობენ აჭარის ა.რ. ტერიტორიაზე მოქმედ აკრედიტებულ უმაღლეს საგანმანათლებლო და სამეცნიერო-კვლევით დაწესებულებებში. გრანტი გაიცემა საერთაშორისო ღონისძიებებში მონაწილეობის მისაღებად (კონფერენცია, კონგრესი, ფორუმი, სიმპოზიუმი, სემინარი) ან საერთაშორისო რეფერირებად ჟურნალებში სამეცნიერო სტატიის გამოქვეყნების ხარჯების ანაზღაურების მიზნით.