კონფერენციები

ბათუმის შოთა რუსთაველის სახელმწიფო უნივერსიტეტი, იურიდიული და სოციალურ მეცნიერებათა ფაკულტეტი, ჟან მონეს კათედრის „უფრო ახლოს ევროპასთან“ ორგანიზებით, აჭარის ავტონომიურ რესპუბლიკაში დასაქმებულ საჯარო მოხელეებსა და ადვოკატებს/იურისტებს, ასევე დაინტერესებულ პირებს იწვევს საზაფხულო ტრენინგში „ევროკავშირის კონკურენციის სამართალი“ მონაწილეობის მისაღებად, რომელიც გაიმართება 2025 წლის 2-5 ივლისს ქ. ბათუმი. ტრეინინგს წარუძღვება ჟან მონეს კათედრის ხელმძღვანელი პროფ. სოლომონ მენაბდიშვილი, ასევე თბილისის საქალაქო სასამართლოს მოსამართლე, სამართლის დოქტორი თამარ ლაკერბაია და საქართველოს ეროვნული ბანკის კონკურენციის განყოფილების ხელმძღვანელი სოფიო მომცელიძე.

2025 წლის 16-17 მაისს, ყოვლადწმიდა ღვთისმშობლის წილხვდომილობისა და წმიდა ანდრია პირველწოდებულის საქართველოში შემოსვლის ეროვნულ დღესასწაულთან დაკავშირებით, ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტის, ქალაქ ბათუმის მერიის კულტურის ცენტრისა და კონსტანცას ოვიდიუსის უნივერსიტეტის სამი მონოთეისტური რელიგიისა და კანონიკური სამართლის შესწავლის კვლევის ცენტრის ორგანიზებით გაიმართება საერთაშორისო სამეცნიერო კონფერენცია - „ჩვენი სულიერების ბალავარი“ - XIV.

2025 წლის 17 მაისს, ბათუმის შოთა რუსთაველის სახელმწიფო უნივერსიტეტის ზუსტ მეცნიერებათა და განათლების ფაკულტეტის ორგანიზებით, სკოლისა და უნივერსიტეტის თანამშრომლობის კლუბის „სკოლა-უნივერსიტეტი“ფარგლებში, გაიმართება მე-11 სამეცნიერო კონფერენცია თემაზე: „სასკოლო განათლება - თანამედროვე გამოწვევები და პერსპექტივები“. კონფერენციის მიზანია უნივერსიტეტისა და სკოლის თანამშრომლობის ხელშეწყობა, მოსწავლეებსა და სტუდენტებში შემოქმედებითი, თანამშრომლობითი და კომუნიკაციური უნარ-ჩვევების განვითარება, კრიტიკული აზროვნების ჩამოყალიბება და ნიჭიერი ახალგაზრდების გამოვლენა.

29-31 მაისს ბათუმის შოთა რუსთაველის სახელმწიფო უნივერსიტეტის სტუდენტთა საუნივერსიტეტო სამეცნიერო კონფერენცია - 2025 გაიმართება. ბსუ-ს სტუდენტმა კონფერენციაში მონაწილეობისთვის 2025 წლის 19 თებერვლიდან 14 მარტის ჩათვლით portal.bsu.edu.ge-ზე (https://portal.bsu.edu.ge/Page/2473/index.html) უნდა დაარეგისტრიროს სამეცნიერო ნაშრომის სათაური და სამეცნიერო ხელმძღვანელის სახელი-გვარი (აკადემიური თანამდებობის მითითებით).

თსუ-ს არნოლდ ჩიქობავას სახელობის ენათმეცნიერების ინსტიტუტის, ივანე ჯავახიშვილის სახელობის თბილისის სახელმწიფო უნივერსიტეტისა და გიორგი ახვლედიანის სახელობის ენათმეცნიერების ისტორიის საზოგადოება ორგანიზებას უწევს საერთაშორისო კონფერენციას "სალიტერატურო ენის საკითხები: ძირითადი ტენდენციები და პრობლემები"