თსუ ჰუმანიტარულ მეცნიერებათა ფაკულტეტი, სტამბოლის ქართული სავანე და ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის ინსტიტუტი 2026 წლის 23-24 დეკემბერს გამართავენ მწერლის, მეცნიერისა და მთარგმნელის – შალვა ვარდიძისადმი მიძღვნილ საერთაშორისო სამეცნიერო კონფერენციას – ქართული კულტურის მოამაგე – შალვა ვარდიძე.
ბათუმის შოთა რუსთაველის სახელმწიფო უნივერსიტეტი, იურიდიული და სოციალურ მეცნიერებათა ფაკულტეტი, იწვევს სტუდენტებს საზაფხულო სკოლაში „ევროკავშირში გაწევრიანების პოლიტიკური კრიტერიუმები და ევროპეიზაცია“. საზაფხულო სკოლა ტარდება ჟან მონეს მოდულის „ევროკავშირში გაწევრიანების პოლიტიკური კრიტერიუმები და საქართველოს, მოლდოვასა და უკრაინის ევროპეიზაციის“ ფარგლებში, რომელიც დაფინანსებულია ევროკავშირის Erasmus+ პროგრამის და მიზნად ისახავს ევროკავშირის ღირებულებების პოპულარიზაციას, ევროკავშირის შესახებ კვლევებისა და სწავლების განვითარების ხელშეწყობის გზით.
II გლობალური სიმპოზიუმი ქიმიის, ბიოქიმიისა და ჯანმრთელობის მეცნიერებების საკითხებზე წარმოადგენს საერთაშორისო სამეცნიერო პლატფორმას, რომელიც აერთიანებს მკვლევრებს, ექიმებს, ფარმაცევტებს, ბიოტექნოლოგებსა და გარემოს მეცნიერების სპეციალისტებს. სიმპოზიუმის მიზანია თანამედროვე კვლევების, ინოვაციური ტექნოლოგიებისა და ინტერდისციპლინური მიდგომების განხილვა, რომლებიც დაკავშირებულია ადამიანის ჯანმრთელობის დაცვასა და ცხოვრების ხარისხის გაუმჯობესებასთან.
შოთა რუსთაველის საქართველოს ეროვნული სამეცნიერო ფონდის საგრანტო პროექტის - „აჭარის არქეოლოგიური ძეგლები გეოგრაფიულ საინფორმაციო სისტემაში“ (BS-24-180) - ფარგლებში ბათუმის შოთა რუსთაველის სახელმწიფო უნივერსიტეტში, პროექტის წამყვან ორგანიზაციაში 2026 წლის 20 ივნისს ჩატარდება საერთაშორისო სამეცნიერო კონფერენცია „არქეოლოგიური ძეგლები ტექნოლოგიური გამოწვევების კონტექსტში“.
კონფერენცია ჩატარდება ჰიბრიდულ ფორმატში. კონფერენციის სამუშაო ენებია ქართული და ინგლისური.
